Жо Байдений ерөнхийлөгчөөр ажилласныг  дүгнэн цэгнэх цаг  чимээгүйхэн ойртож байна. Үр дүн нь тааруухан гарах нь тодорхой. Засгийн газрын өр, Киевын дэглэмийг дэмжсэн   асар их зарлага,  цагаачдын хямрал гээд олонд танил асуудлуудаас гадна Жо хөгшин  бараг импичмент зарлуулах шахсан авлигын  хэрэгт холбогдоод амжлаа.

Үүгээр хэрэг явдал зогссонгүй. Одоо тодорхой болж байгаагаар  төрийн тэргүүн гээд л ерөнхийлөгчөөр ажилласан  цагийнхаа ихэнхийг амраад өнгөрөөсөн нь тодорхой болж байна.
Бүр өнгөрсөн онд Бүгд найрамдах намын үндэсний хороо тоолоод Жо Байден  ерөнхийлөгчийн тушаалдаа орсноос хойш  360 хоног амарсан нь  тэр үеийн  түүний ажлын цагийн 39% болж байгааг мэдээлж байлаа. Нэг үгээр ганцхан долоо хоногүй бүтэн жил  амарчээ.  Дараагийн жилд тэр мөн л бахь байдгаараа. Энэ жилийн есдегээр сар эхлэхэд  түүний амралт 532 өдөр болсон нь ерөнхийлөгчийн ажлын  хугацааны 40,3% болжээ. Америкийн цэрэг Афганаас “зугтан гарч байхад” тэр амарч байв. Хантер Байдены  ажил хэргийн түнш, найз  Девон Арчер Капиталын ордонд  өөрийн тайлбарыг өгч байхад тэр бас л амарч байлаа. Гэрч тэдний гэр бүлийн талаар мэдүүлэг өгч байсан гээч.
Хэрэв Жо Байдены  ажлын цагийг  түүний өмнөх ерөнхийлөгч нартай  харьцуулан үзвэл тэр  түүхэнд  тус орны хамгийн залхуу ерөнхийлөгч болж байна. Тухайлбал, Трампын амралт 132 хоног болсон бол Барак Обама дөнгөж 39 хоног амарчээ.