Фото: Украины БХЯ

Оросын зарим районууд Украины армийн довтолгоонд өртсөөр байна. Наймдугаар сарын 20-нд шилжих шөнө ямар нутаг дэвсгэрт нь аюултай байв?

Оросын зарим районуудад довтлов

Шебекино  хотыг украины арми  буудлаа гэж Белгород мужийн захирагч Вячеслав Гладков өөрийн Telegram-сувгаар мэдээлэв.

«Урдчилсан мэдээгээр  хохирогчид байхгүй. Харин олон оршин суугчтай хоёр орон сууцны байры цонхнууд хагарч, долоон суудлын машин, нэг Газель сумны хэлтэрхийд оногдсон. Буудлагын үр  дагаварыг тодотгож байна» гэж тэр бичжээ.

Мягмар гаригийн шөнө Курск муж даяар пуужингийн довтолгооны сануулга өглөө.

Telegram-суваг Colonelcassad мэдээлснээр, Курскийн хилийн  орчим минометтай пикапын галын байрлалыг  тагнуулын дрон илрүүлж, FPV операторууд  тэдэнд рон илгээн пикапыг минометчикуудтай хамт сөнөөсөн гэж мэдээнд бичжээ.

Украины зэвсэгт хүчин өмнөх өдөр нь ямар довтолгоон хийв?

Өмнөх шөнө нь  Украины онгоцны хэлбэрийн дронууд Белгород, Курск мужуудад довтолгоон хийв. Оросын агаараас хамгаалах хүчин дөрвөн дрон устгасан байна.

«Байнгын тоотой харьцуулахад энэ нь бага юм. Энэ нь тэд бөөнөөр довтлохын өмнө завсарлага авч, нөөцөлж байгаатай холбоотой болов уу» гэж цэргийн сурвалжлагч Юрий Котенок бичсэн байна.

Курск мужид Оросын арми тус бүс нутгийн дэвсгэрт цөмрөн орсон Украины бүлэглэлийг  устган нутгаасаа шахах ажиллагааг явуулж байна. Оросын нутагт хийгдэж буй довтолгооныг няцаах үеэр Украины армийн хохирол  бараг 3,5 мянган цэрэг, 50 танк, 25 явган цэргийн байлдааны машин, 45 хуягт тээвэрлэгч, 262 хуягт машин, 3 тийрэлтэт пуужингийн HIMARS, мөн бөөнөөр буудах MLRS системүүдээ алдаад байна.

SHOT Telegram сувгийн мэдээгээр, Украин Курск мужийн Сейм голын гурав дахь гүүрийг буудан гэмтээжээ. Оросын арми аюултай бүсийн оршин суугчдыг  хөвөгч гүүрээр нүүлгэн шилжүүлж байна. Нийтдээ аюултай бүсээс бараг хагас зуун мянган хүмүүсийг нүүлгэн нутгийн гүн рүү татаад байна.

М.Цогт