Исландын өмнөд хэсэгт буюу Рейкьявик хотын ойролцоо өнгөрсөн оны аравдугаар сараас хойш тав дахь удаагийн галт уулын дэлбэрэлт лхагва гаригт, орон нутгийн цагаар тавдугаар сарын 29-ний 15:00 цаг орчимд болсон байна. Дэлбэрэлтийн улмаас 50 метрийн өндрөөс 3.5 километр өргөнтэй халуун лаав үүсчээ.

Халуун лаав нь 3800 орчим хүн амтай хот руу чиглэн урссан тул тус хотын иргэдийг нүүлгэн шилжүүлэх ажиллагааг зохион байгуулж, Онцгой байдлын байгууллагаас сэрэмжлүүлэг хүргэсээр байгааг ОБЕГ-аас мэдээлжээ.