The Economist сэтгүүл гуравдугаар сарын 27-ны дугаараа сүүлийн хоёр жил Европын эдийн засгийг доргиосон гурван том цочролд зориулжээ.
Сэтгүүлийн тоймчид Европын холбооны эдийн засгийн анхны цочролыг 2022 оны эрчим хүчний хямрал гэжээ. Үүний улмаас ЕХ-ны эдийн засгийн өсөлт сүүлийн арван жилд зөвхөн 4 хувийг заасан бол ийм үзүүлэлд АНУ-д 8 хувь гэж бүртгэгджээ.
Европын бас нэг цочрол нь хятадын үйлдвэрлэлийг дэмжих татаасын буянаар үйлдвэрлэсэн хямд барааны үер юм.
"Хятад гол анхаарлаа экологийн цэвэр бараанд тухайлбал, 2030 он гэхэд дэлхийн зах зээлийн гуравны нэгийг эзлэх цахилгаан машинд чиглүүлж байгаа. Тэр нь Европын үндэсний аваргууд болох Volkswagen, Stellantis зэргийн давамгайлалыг зогсооно" гэж The Economist сэтгүүл сануулжээ.
Уг хэвлэл гурав дахь цочролоор хэрэв экс лидер Дональд Трамп дахин сонгогдсон нөхцөлд АНУ-ын талаас тавигдаж болох татварыг нэрлэсэн байна.
"Трамп өмнө нь засагт байхдаа ган, хөнгөн цагааны импортын татварыг Европт хүртэл тавиад ЕХ хариуд нь америкийн мотоцикл, вискинд татвар тогтооход хүргэж байлаа. Тэр нь 2021 онд Байдентай энгийн бус эвлэрэл хийснээр дууссан түүхтэй" гэж сэтгүүлчид бичжээ.
Сэтгүүлд эдийн засгийн өсөлтөд саад болж байгаа эртний саад тотгор болох хүн амын хурдан хөгшрөлт, Төв банкнуудын хатуу бодлого ба зах зээлийн хангалтгүй интеграци зэргийг бас дурьджээ.
М.ЦОГТ
