Жоржио мужийн Их сургуулийн америк эрдэмтэд ногоон суулгацнууд тээврийн хэрэгслийн ялгаруулдаг агаарын бохирдолтой маш сайн тэмцдэг болохыг тогтоосон гэж PLOS One сэтгүүлд нийтэлжээ.
Замын дагуух ургамал нь агаарын бохирдлыг хэд хэдэн механизмын тусламжтайгаар буулгадаг. Мод бут нь бичил хэсгүүд буун үлдэх их талбайг үүсгэдэг гэнэ.
Мэргэжилтнүүд зургаан сарын турш авто замын ойролцоох агаарын бохирдлыг хэмжин хянажээ. Мод бутгүй ногоон байгууламжгүй замтай харьцуулахад агаарын хөө тортгийн бууралт мод буттай замын орчинд 37 хувиар, хэт бичил хэсгийн тоо 7 хувиар буурсан байв.
"Замын хажуугийн мод бутнууд авто тээврийн үүсгэсэн бохирдлын асуудлыг шийдэхгүй. Гэхдээ бохирдлыг бууруулна. Тиймээс бид мод бутыг замын дагуу суулгах ёстой" гэж энэ төслийн удирдагч Роби Гринвальд хэлжээ.
Үүнээс гаднах өөрчлөлтөд бид унадаг дугуй, явган хүний замыг өргөтгөн хөгжүүлэх хэрэгтэйг тэр бас онцолжээ.
М.ЦОГТ
