АНУ-ын Ерөнхийлөгч Жо Байден Цагаан ордонд сууж эхэлснээс хойш нэг биш удаа Владимир Путиныг хэл амаар доромжилж ирэв.

Кремль үүнд ямар хариу өгсөн вэ? Путин өөрөө энэ талаар юу бодож байна? Өөр хэнийг Байден хэл амаар доромжлов?!

Байдены шинэ доромжлолд Кремль хэрхэн хариу өгөв?

Америкийн Ерөнхийлөгч гуравдугаар сарын 15-нд үг хэлэхдээ дахиад л Оросын Ерөнхийлөгчийн хаягаар доромжлол гарган түүнийг дээрэмчин гэжээ. Кремлийн хэвлэлийн төлөөлөгч Дмитрий Песков хүлээцтэй хариу хэлэв.

Тэрээр "Тийм хэллэг төрийн тэргүүнийг чимэглэхгүй. Америк тийм хүнээр бахархахгүй  болов уу" гэж хэлжээ.

Украинд Оросын цэргийн тусгай ажиллагаа эхэлснээс хойш АНУ-ын Ерөнхийлөгч бүдүүлэг хэллэгийг нэг биш удаа гаргаж ирэв. Хоёрдугаар сарын 21-нд Калифорнид сонгуулийн сурталчилгааны арга хэмжээнд үг хэлэхдээ, Цөмийн сөргөлдөөний аюулд АНУ-д байнга түгшиж ирлээ. Учир нь "эзэн залуу нь Путин шиг элдэв галзуу хөвгүүд байна" гэжээ.

Үүнээс өмнө тэр Оросын Ерөнхийлөгчийг нэг биш удаа дарангуйлагч гэж нэрлэж байв. Сүүлийн тийм доромжлолыг тэр Ази, Номхон далайн эдийн засгийн уулзалт дээр буюу 2023 оны арваннэгдүгээр сард хэлсэн юм. Үүний өмнөх ийм “цол”-ыг тэр 2023 оны ес болон гуравдугаар  сард хэлэхдээ “Үхэл дагуулсан дарангуйлагч”, “Цэвэр дээрэмчин” гэсэн байв. Америкийн Ерөнхийлөгч 2021 оны гуравдугаар сард Путиныг "дарангуйлагч гэхдээ алуурчин" гэсэн байв. Цагаан ордны хэвлэлийн нарийн бичгийн дарга Жен Псаки тэр үед ерөнхийлөгчөө хэлсэн үгэндээ "харамсаагүй" гэж байв.

Путин доромжлолд хэрхэн хариу өгөв?

Оросын Ерөнхийлөгч америк өвгөний хатгаанд хүлээцтэй хандав. Зөвхөн нэг удаа л түүнийг шог хэллэгийн үгээр "Хэн хочлоно, тэр өөрөө тийм" гэсэн шоглоом хэлж байлаа.

2024 оны  хоёрдугаар сард Путин Кремлийн сурвалжлагч Павел Зарубинтай ярихдаа өөрийн байр суурийг тайлбарлав. Түүний хэлснээр экс ерөнхийлөгч Дональд Трамптай ажиллахаас Байдентай ажиллахаас "амар" гэсэн байна.

Тэрээр “Чи эр хүн, чи надад их тус болсонд баярлалаа!” гэж хэлж чадахгүйг бид ойлгож байна. Тэнд дотоодын улс төрийн талаас юу болж буйг бид ойлгож байна. Энэ илэрхийлэл нь яг түүнийг харуулж байгаа. Тэгэхээр, би зөв байжээ! гэж  Путин тайлбарлажээ.

Байден өөр хэнийг хэл амаар доромжлов

Америкийн  ерөнхийлөгч олон хүнийг элдвээр хэлж ирсэн. Путины адил Ши даргыг бас дарангуйлагч гэж нэг биш удаа хэлсэн.

2023 оны нэгдүгээр сард Байден микрофоноо унтраагүй байхад Fox News телевизийн сурвалжлагч Питер Дусийг инфляцийн асуудал тавин дургүйг нь хүргэж байгааг хэлэн хэвлэлийнхэн дунд дуулиан гаргаж байлаа. Мөн тэрээр, Висконсинд нэгэн эсэргүүцэгчийг өөрийг нь үг хэлэхийг тасалдуулсан гэж хараасан  юм.

“Хэн ч мангар байх эрхтэй” гэж тэр түүнд хэлж байлаа.

Өөрийн гарал үүслийн талаар Байден яриад, Ирланд гаралтай Америкчуудын дургүйцлийг гаргаж байлаа. “Би ирланд байж болох юм. Гэхдээ би тэнэг биш. Би Доменик Жакоппогийн охинтой гэрлэсэн тэр нь намайг бага зэргийн Итали хүн гэдгийг харуулж байна” гэж Байден гайхсан олонд ярьж байв.

М.ЦОГТ