Харьков мужийн галын байрлалд байсан америкийн зенитийн пуужингийн Patriot системийг оросын цэргийнхэн сөнөөсөн тухайгаа мэдээлэв. Мөн сүүлийн хоногт Украины Зэвсэгт хүчний амьд хүч, техникийн байрлалд 129 районд цохилт хийснээ Оросын БХЯ албан мэдээнд өгүүлжээ.

Өмнө нь гуравдугаар сарын 9-нд "Искандер" пуужингаар зенитийн пуужингийн С-300 цогцолборыг дагалдагч машин техник, байг гэрэлтүүлэгч радарын хам устгалаа гэсэн юм. Хожим бодит хяналтын видеог нарийвчлан үзээд америкийн зенитийн пуужингийн Patriot цогцолборыг устгасан байв.

Хүчнийхний мэдээгээр гурван Patriot сөнөөгдсөн байжээ. Америкийн мэргэжилтнүүд уг цогцолборт үйлчилж байсан гээд тэднээс 20-30 хүнийг устгасан гэжээ.

Military Watch Magazine сэтгүүлд бичиж байгаагаар Украинд одоогоор дэлхийд өндөр үнэлгээтэй, устгагдсан Patriot цогцолборуудыг нөхөх боломжгүй болжээ.

М.ЦОГТ