Олон улсын эрүүгийн шүүхийг (ОУЭШ) 2024–2027 онуудад Японы шүүгч эмэгтэй Томоко Аканэ даргалахаар болжээ.

Дэлхийн гол шүүгч болж байгаа энэ эмэгтэй ямар хүн бэ?

Аканэ ОУЭШ-ийн дарга болсон талаарх мэдээлэл

Тус байгууллагын сайтад байгаа мэдэгдлээр, ОУЭШ гуравдугаар сарын 11-ний ээлжит хуралдаанаар Томоко Аканэг шүүгчийг даргаараа сонгожээ.

"Шүүгч Розарио Сальваторе Айтала тэргүүн дэд даргаар, шүүгч Рейн Алапини-Гансу хоёрдугаар дэд даргаар томилогдлоо" гэж шүүхийн хэвлэлийн алба мэдээлжээ.

ОУЭШ-ийн дээд зөвлөлийн бүрэлдэхүүн нь гурван жилийн хугацаатайгаар сонгогддог. 

Путиныг Аканэ хэрхэн “баривчлав”

Путиныг баривчлах шийдвэрийг өнгөрсөн оны гуравдугаар сарын 17-нд гаргасан байв. Үүний шалтгаан нь Украин дахь Цэргийн тусгай ажиллагааны бүсээс хүүхдүүдийг зөөсөн хэрэг юм.

Хожим ОХУ-ын Эрүүгийн хуулийн зүйл ангиар Дотоод хэргийн яам Аканэд хариу зарга мэдүүлжээ. 

ОХУ-ын ДХЯ нь ОУЭШ-ийн Оросын Ерөнхийлөгчийн баривчлах шийдвэр нь хууль бусаар барин хорих, гэмт хэрэгт бэлтгэх, олон улсын хамгаалалттай хүнд олон улсын харилцааг муутгах зорилгоор халдсан. Мөн гэм буруугүй хүнд эрүүгийн харицлага үүрүүлэх гэсэн шинжтэй гэж үзсэн юм.

Томоко Аканэ гэж хэн бэ?

Томоко Аканэ ОУЭШ-д ажиллахаас өмнө Японы дээд шүүхийн прокурор хийж, Чүка болон Нагоягийн их сургуулиудад багшлахын зэрэгцээ Японы Хууль зүйн яамны хуулийн хэлтсийг толгойлж, НҮБ-ын Ази, Алс дорнодын гэмт хэрэг, эрх зүйн зөрчилтэй тэмцэх хүрээлэнгийн захирал байжээ.

ОУЭШ гэж ямар байгууллага вэ?

ОУЭШ нь 1998 онд байгуулагдсан Ромын статусаар үүссэн олон улсын байгууллага юм. Шүүхийн эрх мэдэлд хариуцлагатнуудыг цэргийн гэмт хэрэг ба хүмүүнлэгийн эсрэг гэмт хэрэг, хоморголон устгалтын төлөө шүүхэд татах үүрэгтэй. ОХУ, АНУ хоёр Ромын дүрэмд 2000 онд гарын үсэг зурсан ч түүнийг батлаагүй юм. Шүүх нь зөвхөн өөрийн гишүүн орнуудын хүчинд тулгуурласан ба орон тус бүр нь шүүхийн шийдвэрийг биелүүлэх эсэхийг зохих байгууллагаараа шийддэг.

М.ЦОГТ