Дональд Трамп Бүгд найрамдах мужуудад хандан Үндэсний гвардийн хүчийг Техас муж руу илгээхийг уриалав гэж Newsweek сонинд бичжээ. Үндэсний гвардийнхан цагаач нарыг номхотгохоос гадна хэрэв хэрэг гарвал хобооны хүчний эсрэг зогсох бололтой.
Бүгд найрамдахчуудын мужуудад хандан тэдний үндэсний гвардийг Техаст илгээн мужийн захирагч Грег Эбботод туслуулах гэсэн Трампын уриалга мөн Охлахома мужин захирагч Кевин Ститтын өмнөд гурван муж Үндэсний гвардийн хүчнээ бэлэн байдалд оруулахад бэлэн гэсэн мэдэгдэл олон нийтийн сүлжээгээр түгшүүрийн давалгааг гаргалаа.
Бүгд найрамдах намаас ерөнхийлөгчид нэр дэвших гол хүн болох Дональд Трамп тус оронд ирж байгаа цагаачдын урсгалыг өнгөрсөн пүрэв гаригт “цөмрөлт” гэж нэрлэсэн юм.
Консерватив Newsmax телевизээр ярихдаа Ститт Техасын байдлыг “хурьцатмал байдлын дарийн торх” гэж нэрлээд, өөрийн мужийг Техасын өөрийгөө хамгаалах эрхийг дэмжиж байгаа гэжээ.
“Охлахама, Флорида, Теннисси зэргийн олон мужууд өөрсдийн гвардичуудыг Техаст илгээн захирагч Эбботын хүчин чармайлтыг дэмжихэд бэлэн байна. Учир нь муж бүр хилийн орчмынх болсон” гэсэн байна.
Newsweek сонин Цагаан ордон ба Дональд Трампын төлөөлөгч нарт хандан энд тайлбар өгөхийг хүссэн байна. Ардчилсан идэвхтэн бөгөөд MeidasTouch сонины зөвлөх Адам Пархоменко сүлжээгээр бичихдээ "Трамп дахиад л шинэ бослогод уриаллаа" гэжээ.
АНУ-ын Гааль, хилийн албаны мэдээгээр, 2023 онд цагаачид ба хамгаалалтын албаныханы хоорондох мөргөлдөөн эрс нэмэгджээ.
М.ЦОГТ
