Хөнгөн атлетикчдийн холбоодын олон улсын эвсэл (WorldAthletics) Оросын хөнгөн атлетикчдад тавьсан хоригоо цуцлахгүй байхаар шийдсэнийг тус байгууллагын тэргүүн Себастьян Коу мэдээлэв. Үүнтэй холбоотойгоор тамирчид 2024 оны Парисын олимпийн тоглолтод оролцож чадахгүй боллоо.
Себастьян Коу орос тамирчдын талаар юу ярив
Олон улсын олимпийн хороо арванхоёрдугаар сарын 8-нд оросуудыг цагаан туг статустайгаар Олимпт тоглуулж болох тухай мэдээлсэн юм. ОУОХ-ны шийдвэрийн дагуу World Athletics байр сууриа өөрчилсөн үү гэсэн асуудлыг Коуд сэтгүүлчид тавьжээ.
Тэрээр "Үгүй. Энэ шийдвэрийг миний оролцсон олимпийн саммит дээр гаргасан юм. Олон улсын холбоод тамирчдыг шалгаруулахад өөрийн давуу эрхтэй. Бид тодорхой байр сууринд байгаа, тэр нь өөрчлөгдөөгүй" хэмээн хариулжээ.
Мөн Себастьян Коу "Үзэгчид орос тамирчдыг Парист харна гэхдээ хөнгөн атлетикт харагдахгүй. Хөнгөн атлетикийн холбооны ийм байр суурийг хөнгөн атлетикийн гэр бүлийн гишүүд бараг санал нэгтэйгээр хүлээн авсан" гэсэн юм.
Орос, Белорусийн хөнгөн атлетикчдыг олон улсын томоохон тэмцээнд оролцох эрхийг нь хасах шийдвэрийг World Athletics энэ оны гуравдугаар сард ОХУ Украинд тусгай ажиллагаа явуулж байгаа гэх шалтгаанаар гаргасан юм. Парисийн олимпийн тоглолт 2024 оны долоодугаар сарын 26-наас наймдугаар сарын 11-ний хооронд явагдана.
Оросын тамирчдын талаар ОУОХ ямар шийдвэртэй байна вэ?
Арванхоёрдугаар сарын 8-нд Парисын зуны олимпт найман орос, гурван белорусь тамирчид оролцоно. Тэд өөрийн төрөлд цэргийн тусгай ажиллагаа эхлэхээс өмнө сонгон шалгаруулалтыг даван гарсан байв. Гэхдээ тэд дундыг барьсан статустайгаар нэр хаяг, төрийн далбаа, сүлд дуугүйгээр тэмцээнд оролцох юм гэх ОУОХ-ны шийдвэрт өгүүлжээ.
Оросын тамирчдад багийн тэмцээнүүдэд оролцохгүй мөн тэд олны өмнө өөрийн байр сууриа гаргахгүй, өөрийн орны зэвсэгт хүчин ба хүчний байгууллагатай гэрээ байгуулаагүй байх ёстой. Мөн ийм шуурдлагыг дагалдах бүрэлдэхүүнд нь гарган тавьж байгаа.
World Athletics Орост явагдах Найрамдлын тоглолтод хэрхэн хандаж байна вэ?
World Athletics Орост Найрамдлын тоглолт явуулахыг дэмжихгүй байгаа гэж Себастьян Коу мэдэгдээд тэр тэмцээн нь холбооны үнэт зүйл ба тэмцээний дэгд харшилна гэжээ.
Найрамдлын тоглолт явуулах шийдвэрийг ОХУ-ын Ерөнхийлөгч Владимир Путин гаргасан ба тэр нь Москва, Екатринбургт 2024 оны есдүгээр сарын 15-29-ны хооронд явагдах ба шагналын фонд нь 4,6 тэрбум рубль болно. Медалиуд цэвэр алт, мөнгө, хүрлээр хийнэ.
Орос үндэсний олимпийн хороодыг урихгүй учраас ОУОХ тэр тэмцээнийг хориглож чадахгүй.
М.ЦОГТ
