Филиппины эрэг хавьд 7,5 магнитудтай газар хөдлөлт арванхоёрдугаар сарын 3-нд бүртгэгдэв гэж Европын газар дундын тэнгисийн сеймологийн төв мэдээлэв.

Төвийн мэдээгээр, газар доорхи түлхэлтийн төв нь 10,6 мянган хүнтэй Тагбин сууринаас зүүн хойд зүгт 19 км-ын зайтай, 63 км-ын гүнд болжээ.

Филиппины Галт уул судлал ба сейсмологийн хүрээлэнгийн мэдээгээр газар хөдлөлтийн хүч 6,9 магнитудтай байв. Хинатуан хотоос 42 км-ын зайд 8км-ын гүнд газар хөдлөлтийн төв байсан гэж мэдээлэв.

Филиппинд 17:37-19:17 цагуудын хооронд 5,0-7,7.5 магнитудтай 22 газар хөдлөлт бүртгэгдэж цунамийн үед ашигладаг дуут дохиог зарлажээ. Хот сууринд эвдрэл сүйрэл ихтэй байсан ч хохирогчдын талын мэдээлэл бараг гарсангүй өнгөрөв. Цунамийн түгшүүрийг дэлхийн сейсмо төвүүд тэдний тоонд америк, австрали, серби, италийн төвүүд зарласан байв.

Шөнийн гурван цагийн үед нэг метрийн өндөртэй цунами Японы эрэгт хүрчээ. Цунами Азийн орнуудын эрэгт хүрсэн ч сулхан туслаа.

Үүний өмнө Оросын хоёр муж Бурят, Сахалинд 5,0 хүртэл магнитудтай газар хөдлөлт бүртгэгдсэн байв Сахалинд арлын төв хэсгээр, Бурядад Өнөр сууриныхан түүнийг мэдрээд өнгөрөв.

Энэ цагаар Исландын Рейкьянес хотын дор Фаградальсфьялль галт уулын идэвхижилт магмагийн хонгил үүсч, Гриндавик хотын дунд газар цөмөрсөн нүх үүсчээ. Газар суусан хэсэгт нэг сургууль, хэд хэдэн сууц аюулд оржээ. 

Магмагийн халуун хайлмаг хэт дээшилсэны улмаас ийм хонгилууд нүх үүсдэг байна.

М.ЦОГТ