Британийн Daily Express сонин оросын пуужингийн "Авангард" цогцолборын боломжийн тухай өөрийн ажиглалтаас уншигчтай хуваалцав. Дэлхийн аль цэгт цохилт өгөх, түүнийг хаанаас харваж болох вэ?!

"Авангард" хэр хугацаанд АНУ хүрэх вэ?

Daily Express бичихдээ, энэ пуужингийн ер бусын чадвар нь түүнийг дэлхийн агаар мандлын цаанаас харваад богинохон хугацааны дотор дэлхийн ямар ч цэгт цохилт өгөх боломжтой гэжээ.

"Путингийн "солир" гэж нэрлээд байсан "пуужин" дэлхийн агаар мандлын цаанаас харвагдаж, дэлхийн аль ч цэгт хэд хэдэн байнд 30 минутын дотор тусна" гэж сонины материалд өгүүлжээ.

Өгүүлэлд тэмдэглэснээр, ийм  пуужин одоогоор цорын ганц нь бөгөөд цагийн дотор хэдэн арван мянга км замыг туулна хэмээн онцолжээ.

Ийм пуужинг Барууны пуужингийн довтолгооноос зэвсэг нь зогсоож чадахгүй гэж сонинд бичсэн байна. Тэдний хэлснээр пуужингийн энэ цогцолбор  Москвагийн стратегийн цөмийн цэвсгийн байлдааны чадварыг  мэдэгдэхүйцээр нэмэгдүүлж байгаа гэнэ. 

"Авангард" цогцолборын талаар юу тодорхой байна вэ?

Цэргийн тойм мэдээлдэг сайтаар "Авангард" цогцолбор нь хэд хэдэн үндсэн элементээс бүтэж байна. Нэгдүгээрт, тив алгасан нисэх баллистик пуужин, тэр нь цэнэгт хэсгийг тооцоолсон замд оруулан хурдыг нь авахуулах үүрэгтэй. Эхний шатанд энэ зорилгоор УР-100Н УТТХ пуужинг ашиглах ба цаашид түүнийг ирээдүйтэй гэж байгаа МБР РС-28 Сармат гэх тив алгасан нисэх баллистик пуужингийн үндсэн дээр бүтээх юм.

Хоёр дахь элемент нь гипер дууны хурдтай байндаа хүрэх байлдааны блок болно. Хурдыг нь авахуулан пуужинг хаясны дараа тэр хэсэг нь нислэгээ үргэлжлүүлэн байг сөнөөх юм.

Тэр заагдсан замаар унах цэнэгт хэсэг нь тив алгасан нисэх пуужингуудын цэнэгээс огт өөр. Тэр байндаа тусахаас гадна өөрөө нислэгээ өөрчлөх чадвартай. Үүнээс гадна зөөгч пуужин нь идэвхтэй хэсэгтээ түүнд өндөр хурдыг өгнө.

"Авангардын" нэг гол давуу тал нь түүний хурд юм. 2019 оны арванхоёрдугаар сарын ээлжит туршилтаар пуужин 27 орчим мах буюу дууны хурдыг үзүүлсэн гэж тэр үед Ерөнхий сайдын Батлан хамгаалахын аж үйлдвэрийг хариуцсан орлогч байсан өнөөгийн Роскосмосын захирал Юрий Борисов илтгэж байв.

Ийм боломж нь цэнэгт блокт маш богино хугацаанд байнд хүрч агаараас хамгаалах, пуужингийн довтолгооноос хамгаалах системийн амжилтын боломжийг бараг тэглэж байна.

Хэзээ туршигдсан хэдэн "Авангард" зэвсэглэлд орсон бэ?

2018 оны долоодугаар сард "Авангард" бүтээгдэж дуусаад түүнийг үйлдвэрийн дамжлагад оруулжээ. Борисов 2018 оны арванхоёрдугаар сарын 26-нд Оренбург мужийн Домбаровскийн байрлалын районоос Камчатскийн Кура туршилтын талбай руу амжилттай хөөргөсөн гэж мэдэгдсэн.

Пуужингийн туршилт амжилттай болсны дараа Путин тэр өдөртөө  цогцолборыг 2019 онд зэвсэглэлдээ авна гэсэн байв.

М.ЦОГТ

www.news.ru