Хятадын лидерийн эхнэр Пэн Лиюань улсынхаа түүхэнд “тэргүүн татагтай” албан ёсны цол авсан цорын ганц эмэгтэй юм. Өнөөдөр түүний төрсөн өдөр тохиож байна. Тэрээр 1962 оны 11 дүгээр сарын 20-ны өдөр Хятадын Шаньдун мужид төржээ.
Энэ өдрийг тохиолдуулан түүний тухай танилцуулья.
Сая Америкийн Ерөнхийлөгч Жо Байден Хятадын дарга Ши Жиньпинийг хүлээн авч уулзахдаа хэд хоногийн өмнөөс эхнэрт нь төрсөн өдрийн баяр хүргэж эвгүй байдалд оруулав. Ши дарга эхнэрээ 11 дүгээр сарын 20-нд төрснийг хэлээд, ажил ихтэй баяр хүргэж амжаагүй гэх мэтийн манж үгээр тэр яриаг төгсгөлөө.
Пэн Лиюань Шаньдун мужийн зүүн өмнөд Юньчэн аймагт ”хувьсгалын эсэргүү” гэж цоллогдсон Соёлын ордны даргын гэр бүлд төржээ. Пэн өөрөө эцгээсээ ялгаатай нь бүх насаараа Хятадын засгийн газарт үнэнч гэдгээ харуулж ирэв.
Тэд хэрхэн танилцав
Гэрлэлтэд хэрхэн ханддагаа Ши Жиньпинийг засгийн оройд гарахаас өмнө Пэн Лиюань олон түмэнд сонсогдохоор хэлсэн байдаг. Дуурийн дуучин бүсгүй олон хэвлэлд ярилцлага өгөхдөө, ирээдүйн нөхрийгөө “амжилттай, амбицтай, харилцаандаа тэргүүлэх” хүнийг харж байна гэж хэлж байжээ.
Тэр үед буюу эхний эхнэр Ке Линлинээс салсан байсан 33 настай Ши, 24 настай Пэн хоёр 1986 онд танилцжээ. Ши Хятадын зүүн нутгийн Сямынь хотын вице мэр байв. Хожим Лиюань ярихдаа тэр түүний төсөөлөлд яг таарсан хүн байсан гэж. Ши дурсахдаа, “анхны болзооны 40 минутын” дараа Лиюаньд эргэлтгүйгээр дурласан гэжээ.
Тэд гэртээ байх нь цөөхөн
Хосууд 1987 онд тансаг биш хуримласан ба 1992 онд тэдний охин Минцэ төржээ. Эцэг эхээсээ ялгаатай нь Сяо Муци (гэрийн өхөөрдсөн нэр) хүмүүсийн нүдэнд огт харагдаагүй.
БНХАУ-ын дарга Ши Жиньпин (зүүнээс нэгд) түүний эхнэр Пэн Лиюань (баруунаас хоёрт) Танзанийн ерөнхийлөгч Жакайей Мришо Киквете (зүүнээс хоёрт), 2013 он.
China Daily сонины өгүүлэлээр хосууд эхлээд цуг амьдрах нь ховор, хоёулаа улс орноороо байнга хэснэ, тэр намын зүтгэлтэн, эхнэр нь аялан тоглолтын жүжигчин байв.
Шигийн эхнэр Хятадын хувьд юугаар онцлогтой хүн бэ
Ши Жиньпин эхнэрээ нийтэд ил тод болгосон Хятадын анхны лидер. Пэн телевизээр даргын эхнэр гэхээсээ илүүтэйгээр бие даасан хүн гэж хэлэгдэх болов. Тэргүүн хатагтайн хувьд тэрээр НҮБ-ын талбаруудад, янз бүрийн олон улсын арга хэмжээнд оролцож ирэв. Пэн хурдан хугацаанд “Бээжингийн зөөлөн хүчний” элементын нэг болж чадлаа.
Хятадын хэвлэлээр хосуудын доно дулаан харилцааг онцолдог. Хятадын интернэтэд тэргүүн хосуудын зураг бичлэг вирус мэт тарж байгаа нь ер бусын үзэгдэл. Учир нь Хятадын түүхэнд “улсын удирдагч” болон “хайрын түүх” нь ямагт алс зайтай ойлголт байлаа.
Пэн Лиюанийн тухай юу тодорхой болсон бэ?
Пэн Лиюань хөгжмийн боловсролтой, маш дээд зэрэгт багтах сопрано хоолойтой. Залуудаа Хятадын Ардын чөлөөлөх армийн ансамблийн гоцлон дуулагч болон цэрэг хувцастайгаар тайзнаа дуулж иржээ.
Барууны хэвлэлүүд Пэн 2009 онд хошууч генерал цол авсан гэж бичив. Гэхдээ үнэн хэрэгтээ тийм биш. Тэр ямагт цэргийн албанд байснаас түүний тэтгэвэр хангамж нь хошууч генералынх шигээр тогтоогджээ. Ойролцоогоор энэ үеэс Пэн Ардын чөлөөлөх армийн урлагийн академийг удирдах болов.
Пэнийн нам, улсын гол үүрэг нь Ши Жиньпинд “хүнлэг имижийг” бүрдүүлэх явдал гэж хятад судлаачид хэлдэг. Ши гэр бүлийнхээ халуун дотно харилцааг ямагт онцлон ард олондоо түүний чухлыг үзүүлж онцолж иржээ.
М.ЦОГТ
