Польшийн Ерөнхийлөгч Анжей Дуда ерөнхий сайд Матеуш Моравицкийд шинэ танхим байгуулах үүргийг албан ёсоор өглөө. Шинэ танхим 14 хоногийн дотор шинэ сеймийн итгэлийг авах ёстой. Аравдугаар сарын сонгуулиар сөрөг хүчин давамгайлсан сейм бүрэлдсэн юм.
Сеймын хуралдаан дээр Моравецкий Үндсэн хуулийнхаа дагуу танхnмаараа ёс болгон огцорсон ба танхим нь шинэ засгийн газар бүрэлдтэл үүргээ гүйцэтгэж байх юм. Энэ ёслол дээр Ерөнхийлөгч Дуда Моравецкийд нам нь хамгийн олон санал авсан гээд шинэ танхим байгуулах эрхийг өгчээ.
Ирээдүйн засгийн газрын өмнө Европын холбоо ба НАТО-д өөрийн байр суурийг хадгалах нь чухал гэж ерөнхийлөгч үүрэгджээ.
2015 онд “Эрх зүй ба Шударга ёс” нам сонгуульд ялан эрх барьж байгаа ба Мораввецкий 2017 оноос хойш ерөнхий сайдаар ажиллаж байна. Энэ жилийн сонгуульд эрх баригч нам 460 суудалтай танхимд 194 мандат авсан ба түүний эсрэг парламентын дөрвөн бүлэг 248 суудалтай.
Засгийн газрыг батлахад танхимын гишүүдийн талаас илүүтэй нь цугларч байж санал хураана. Тийм олонхи Моравецкийд байхгүй учир энэ байдлыг польшийн улс төрийн сэтгүүл Моравецкийг украины далбааны өнгийн хувцастайгаар худалч модон хүүхэлдэй Пинокко болгон зураад “Чао, Пиноккио” гэж гарчиглажээ.
М.ЦОГТ
