Нью-Йоркийн их сургуулийн дэргэдэх Langone Health гэх анагаах ухааны төвийн эмч нар нүдний бүтэн алимыг шилжүүлэн суулгах мэс заслыг амжилттай хийжээ. Жеймст донорын хамар уруул, нүүрний алдагдсан ясны хэсэг хүзүүний эд эс булчин шөрмөс, судаснууд мөн зүүн нүдийг ухархайн хамт, зовхи, сормуус, хөмсгийн, мэдрэлийн нервийг түүний үлдсэн нервтэй холбон суулгажээ. Ийм холилдуулсан мэс засал нь өмнө байгаагүй том ололт боллоо гэж мэдээлсэн байна.

Өнгөрсөн хагас жилийн дотор шилжүүлэн суулгасан эд эс сайн амьдран дасчээ. Ганцхан шинэ нүдэнд одоохондоо хараа ороогүй байгаа. Магадгүй тэр нь сэргэхгүй байж болно. Ингэлээ гээд мэс заслыг амжилтгүй болсон гэж үзэж болохгүй юм хэмээн эмч нар ярьжээ.

Анагаахын төвийн хэвлэлийн мэдээнд өгүүлснээр, шинэ эрхтнүүд авсан хүн нь  Арканзас мужийн 46 настай цахилгааны монтер Аарон Жеймс юм. Тэрээр 2021 оны зургаадугаар сард цахилгаан сүлжээн дээр ажиллаж байхдаа өндөр хүчдэлд нүүрээрээ санамсаргүй хүрээд 7200 вольтын цахилгаанд цохиулжээ.

Үүний улмаас тэр нүүрний зүүн хэсэг, нүд хамар, уруул эрүү, урд шүднүүдгүй болжээ.

Азаар баруун нүдэнд нь хараатайгаа үлдсэн байв.

Мэс заслыг 2023 оны тавдугаар сарын 27-нд  хийж  тэр нь 21 цагийн турш үргэлжилжээ. Мэс засалд 140 мэс заслын эмч, асрагчид бусад мэргэжилтнүүд нүүр шилжүүлэн суулгах мэс заслын Langone Health хөтөлбөрийн захирал Эдуардо Родригес мөн эрхтэн шилжүүлэн суулгах мэс заслын профессор Хелен Киммел нарын удирдлагаар оролцсон байна. Мэс заслын ажиллагааны хүрээнд Жеймст донорын хамар уруул, нүүрний алдагдсан ясны хэсэг хүзүүний эд эс булчин шөрмөс, судаснууд мөн зүүн нүдийг ухархайн хамт, зовхи, сормуус, хөмсгийн, мэдрэлийн нервийг түүний үлдсэн нервтэй холбон суулгажээ. Харааны нерв нь харсаныг тархинд дамжуулдаг. Үүнгүйгээр харааг сэргээх боломжгүй. Шилжүүлэлтийг амжилттай болгохоор Жеймсийн харах нервын үлдэгдэлд донорын чөмөгнөөс ялгаруулан авсан хөгжиж эхлээгүй байсан тулгуур эсүүдийг шахжээ.

Хэдийгээр зүүн нүдний хараа нь сэргээгүй байгаа ч мэс засал том ололт гэж эмч нар хэлж байна. Тэд зүүн нүд нь ядаж гурван сар тэснэ гэж найдаж байсан ба харин хагас жилийн нүний алим нь эрүүл, түүнд хүүхэн хараа, торон бүрхүүлийн цусны эргэлт сэргэсэн ба нүдний дотоод даралт хэвийн байв. Түүгээр ч барахгүй нулимас ялгаруулах болжээ. Нүд нь хөдөлгөөнгүй ирмэж чадахгүй байгаа ч энд мэдрэмж гарч ирсний Жеймс хэлж байна.

"Жеймст хийсэн мэс засал шинэ боломжийг нээж байна. Бид харааг сэргээнэ гэж мэдэгдээгүй ч энд нэг алхамаар ойртлоо" гэж Родригес ярьжээ.

М.ЦОГТ