The Celebration Tour аялан тоглолтоо хийж буй Америкийн поп дуучин 65 настай Мадонна “хамгийн ихээр арилжаалагдсан эмэгтэй дуучин” статусаа дахин батлав.
Энэ тухай Гиннессийн дэлхийн дээд амжилтын номын (The Guinness Book of World Records) порталд мэдээлжээ.
Тэрээр уран бүтээлийнхээ 40 жилийн карьерын хугацаанд цомог, сингл, дижитал хуулбаруудын 400 сая пянзыг худалдаалж чаджээ. Энэ амжилтаараа зөвхөн The Beatles, Элвис Пресли, Майкл Жексон нараас ялимгүй хоцорч байгаа ч хамгийн ихээр пянзаа зарж чадсан эмэгтэй дуучин гэж цоллогдоод байна. Мадонна энэ статусаа 2009 оноос хойш хадгалж яваа юм.
Үүнийхээ хажуугаар, Мадонна нь аялан тоглолтоос хамгийн их орлоготой байгаа дуучин юм. Өнгөрсөн оны долоодугаар сарын байдлаар түүний аялан тоглолт 1,4 тэрбум доллар болон тэр цагт дуучин эмэгтэй The Rolling Stones, U2, Элтон Жон, Брюс Спрингстин нарын дараа тавд орсон байлаа.
Одоо түүний тоглолтууд үргэлжилж байгаа учраас тэр концертын ашиг орлогоо нэмэх боломжтой.
Мадонна The Celebration Tour аялан тоглолтын концертаа Лондонд үзүүлж байхдаа дуу чимээний хязгаарлалтын цагийг зөрчсөн гээд £300 мянган фунтын ($365 мянга гаруй доллар) торгууль төлж магадгүй болоод байгаа аж.
Их Британийн хатуу дэг журмаар концертууд 22:30 цагт дууссан байх ёстой байдаг. Харин түүний концерт үргэлжилж 23:00-д гэнэтхэн зогсжээ. Гэвч дуучин бүсгүй үзэгчдийн дуртай хитүүдээ ч дуулж амжаагүй байсан аж.
М.ЦОГТ
