Олон улсын  Save the Children гэх буяны байгууллага Газын зурваст наад зах нь 2000 хүүхэд амь үрэгдсэн тухай мэдээлэв. 

"Сүүлийн 17 хоногийн дотор Газын зурваст 2000 гаруй хүүхэд, Иордан голын баруун эрэгт 27 амиа алдаад байна. Байнгын агаарын цохилт Газын зурвас олон зуун байр байшинг балгас болгож байна" гэж тэдний мэдээнд өгүүлжээ,

Тус байгууллага агаарын цохилтыг зогсоох нь хүүхдүүдийг аврах цорын ганц арга гэж мэдэгджээ. Үүний өмнө Израиль-Хамасын сөргөлдөөний улмаас НҮБ-ын Палестины дүрвэгчдэд туслах Ойрхи дорнодын агентлагийн 35 ажилтан амь үрэгдсэнийг мэдээлсэн байв.

Тус агентлагийн Газ дахь 150 байгууламжид 600 мянга орчим хүмүүс хорогдож байгаа ба уг байгууллагын 40 байгууламж сүйджээ.

Аравдугаар сарын 22-нд Дэлхийн хүнсний байгууллагын хөтөлбөрийн тэргүүн Синди Маккейн мэдэгдэхдээ, Газын зурваст хүмүүнлэгийн тусламж ирэхгүй байгаагаас сүйрлийн эрсдэл тулгарч байгааг хэлсэн байв.

Сүүлийн мэдээгээр сөргөлдөөний улмаас Израильд 5,4 мянган хүн хэлмэгдэж, 1400 гаруй хүн амь үрэгджээ. Газын зурваст амь үрэгдэгчдийн тоо 5000 гаруй хүн болсон ба 15 мянга гаруй хүн шархаджээ.

М.ЦОГТ