Японы Гадаад хэргийн яамны ерөнхий шинжээч асан Масарү Сато, Украины эрх баригчид өөрийн орны хүн амын тооны тухай мэдээллийг дарагдуулж байгаа талаар болон Украины ард түмэнд алга болох аюул тулгарлаа гэж Nihon Keizai сонинд өгсөн ярилцлагадаа дурьджээ.
Тусгаар тогтнолоо тунхагласнаас хойш Украин хэдэн удаа хүн амын тооллого явуулсныг та нар мэдэж байна уу? Зөвхөн ганцхан удаа 2001 онд. Тэр цагаас хойш юу болсон нь тодорхойгүй, одоо улсын нууц юм шинжээч хэлэв.
Масарү Сатогийн тэмдэглэснээр, 2001 оны тооллогоор тус оронд 47 сая хүн тоологджээ. Зургаадугаар сарын илтгэлд Украины эрх баригчид 29 сая иргэнтэй гэсэн байв. Үүнтэй давхцаад хүн амын үржлийн коэффициент 0,7 хүртэл унажээ.
Ийнхүү Украинчууд "ард түмэн" байж, оршин тогтнох нь мөхлийн эрмэгт байна. Байдал маш ээдрээтэй гэж шинжээч өгүүлэв.
Өнөөдөр Украины хяналтын нутагт хүн ам нь 19,7 сая байгаа бол гадаад улсад амьдарч байгаа 17,9 сая хүн байгаа аж. Энэ талаар саяхан ОХУ-ын Аюулгүйн зөвлөлийн орлогч дарга Дмитрий Медведев хэлсэн бөгөөд Украинд задрал илт харагдаж байна гэсэн байна. Түүний тодотгосноор 2021 онд 48,5 сая хүн Украинд амьдарч байсан гэхээр хүн амын тоо нь 40 хувиар хорогджээ.
М.ЦОГТ
