Бельгид хүнд эдгэшгүй өвчтэй хүмүүс сайн дураараа эмч нарын тусламжтайгаар амьдралаа орхих эвтаназийг хуулиар зөвшөөрдөг.

Эмчийн тусламжтайгаар хорвоог орхих шийдвэрийг хорт хавдраар зүдэрсэн Упее хотын 36 настай эмэгтэй гаргажээ. Эмч нар эвтаназийг гэрт нь хийхээр болов. 

Гэтэл үхлийн тарилга нь өвчтөнд үйлчлээгүй учир тэд дэрээр амыг нь таглан “үүргээ гүйцэтгэжээ”.

Гэтэл тэнд байсан асрагч нарын нэг энэ тухайгаа хамаатандаа ярьсан байна. Тэр хамаатай нь цагдаад мэдэгдэж, хэрэг илэрчээ. Шүүх эмнэлэг өвчтөнг боож хөнөөснийг тогтоосон учир эмэгтэйн гэр бүл шүүхэд хандсан байна.

Бельгийн эмнэлгийн ажилтангууд болон улстөрч Жак Броди нар эмч нарын үйлдлийг буруу шааж, тэд өөрсдийн үйлдлээр өвдөлт шаналалгүй амьдралаа орхих эвтаназийн үнэ цэнийг буурууллаа гэж үзэж байгаагаа илэрхийлжээ.

М.ЦОГТ