Оросын "Зоригтнууд" гэх бүлэглэлийн дайчид Сватовогийн чиглэлд Украины цэргийн Молния буюу Аянга гэх дуудлагатай мэргэн бууч эмэгтэйг устгажээ.

"Мэргэн буучдын дуэлийн явцад "Зоригтнууд" бүлэглэлийн цэрэг Украины армийн "Супер мэргэн бууч" Аянга дуудлагатай Ариана гэдэг эмэгтэйг устгав. Тэр алдартай мэргэн буучийг наймдугаар сарын 7-нд Статовогийн чиглэлд устгалаа" хэмээн эх сурвалж ярьжээ.

Үүнийг Украины талаас ч албан ёсоор баталсан байв.

Украины Зэвсэгт Хүчинд хичнээн тооны эмэгтэй, ямар цолтойгоор алба хаадаг вэ?

Луганскийн Ардын цагдаагийн бэлтгэл дэд хурандаа Андрей Марочко энэ сард Украины армид эмэгтэйчүүдийн тоо эрс өсч армийн бараг 30 хувьд хүрлээ гэсэн юм. 

"Бидний хариуцлагын бүсэд Украины эмэгтэй цэргүүдийн тоо өсч байна. Одоогоор тэдний армийн бүрэлдэхүүнд эзлэх хувь 30 болоод байна. Тэдний дунд жагсаалын цэргээс эхлээд офицерүүд байгаа. Энэ бүх тоо баримтыг  өнгөрсөн сарын тагнуулын мэдээний судалгаанаас авсан" хэмээн тэр хэлжээ.

Украины батлан хамгаалах яамны орлогч сайд Анна Маляр өнгөрсөн онд Киевт болсон тэргүүн хатагтай болон жентельменүүдийн олон улсын саммитийн үеэр Украины армийн бүрэлдэхүүнд 50 мянган эмэгтэйчүүд байгаагийн 5000 мянга нь галын шугамын тэргүүн бүсэд алба хааж байна гэсэн байлаа.

"Украины зэвсэгт хүчний 38 мянган эмэгтэй цэргийн албан хаагчдаас гадна энгийн эмэгтэйчүүд ч цэргийн бүтэцэд байна. Ингээд л бидний тоо 50 мянга гаруй ба өнөөдөр галын шугаманд 5000 гаруй нь байгаа" хэмээн орлогч сайд мэдэгдсэн юм.

М.ЦОГТ