БНХАУ-ын Иргэний захиргааны яамны мэдээлснээр 2022 онд 1,4 тэрбум хүн амтай тус улсад долоон сая хурим албан ёсоор бүртгэгдсэн байна. Энэ нь маш бага тоо ба хятадад хуримлах ёслолын тоо байнга буурч байгаа гэнэ. 

Долоон сая гэх тоо нь сүүлийн 37 жилийн доторх хамгийн бага тоо бөгөөд энэ үеэр гэр бүл салалтын хоёр саяыг давжээ.

Хятадад гэрлэлт нь 13,5 сая байсан 2013 оноос хойш бууж байгаа аж. Энэ талаар Хүн ам зүйн мэргэжилтэн Дун Юйчэн илтгэлдээ, Хятад залуучууд 27 наснаас хойш гэр бүл үүсгэх сонирхолтой болсон хэмээн тайлбарлажээ.

Орчин үеийн Хятад хүн ам зүйн ноцтой асуудалтай байгаа ба тус оронд жендерын тэнцвэргүй байдал их байгаа. Өнгөрсөн зууны буюу далаад оны “Нэг гэр бүл-нэг хүүхэд” бодлогын үр дагавар одоо ч үргэлжилж байна.

Өнгөрсөн онд явуулсан нэгэн санал асуулгаар гурван мянган хятад хүмүүсийн 9 хувь нь огт гэр бүлтэй болохгүй гэсэн байна. Залуучууд карьер хөөж, өөрийн гэр оронтой болох зэргийн асуудалд автаж буй.

М.ЦОГТ