ОХУ-ын Зэвсэгт хүчний “Зүүн бүлэглэл” Өмнөд Донецкийн чиглэлээр Украины шинэ довтолгоог няцаахдаа 1,5 мянга гаруй Украин цэргийнхэн, 28 танк тэдний тоонд немецийн үйлдвэрлэлийн найман Leopard мөн түүнчлэн францын AMX-10RC гэх дугуйтай гурван танк зэргийг сөнөөсөн гэж Оросын БХЯ-ны мэдээнд өгүүлжээ.
Довтолгоонд орсон Украинчууд бие бүрэлдэхүүн, зэвсэг техникийн ихээхэн хохирол амслаа гэж яамны төлөөлөгч дэслэгч генерал Конашенков мэдээлжээ.
Сүүлийн гурав хоногийн дотор Украины дэглэм аль эртнээс амлаж байсан сөрөг давшилтаа фронтын янз бүрийн чиглэлд хийлээ гэж Оросын Батлан хамгаалахын сайд Сергей Шойгу мэдэгдэлдээ дурьжээ.
Тэрээр "Гуравхан хоногийн дотор бүх чиглэлээр Украины зэвсэгт хүчний хохирол, 3715 цэргийн албан хаагч, 52 танка 207 байлдааны хуягт машин, 134 автомобиль, таван онгоц, хоёр нисдэг тэрэг, 48 хээрийн их буу, 53 нисгэгчгүй аппарат болов" хэмээн тодотгожээ.
Украины сөрөг довтолгооныг няцаах явцад Оросын 71 цэргийн албан хаагч алагдаж, 210 нь шархадсан мөн 15 танк, есөн хуягт, хоёр автомобиль, есөн их буугаа алдсан гэж Шойгу нэмэв.
Оросын батлан хамгаалах яам мягмар гаригт Украины гадаадын хуягт техникийг тэдний тоонд немецийн Leopard танкыг устгасан видеог үзүүлсэн байна.
М.ЦОГТ
