Артемовскийн /Украин нэр нь Бахмут/ өнгөт металлын үйлдвэрийн (АЗОМ) заводын хэсэгт Оросын хүчин хяналтаа тогтожээ. Өнгөрсөн оны сүүлчээр тэр заводод Украины Ерөнхийлөгч Владимир Зеленский цэргийнхнээ шагнаж байсан юм.

АЗОМ үйлдвэрийг 1954 онд Артемовскийн төвд Э.И.Квирингийн нэрэмжит өнгөт металлын үйлдвэрийг сэргээн байгуулахдаа цөмийн сөргөлдөөнд зориулан газар доорхи байгууламжуудыг шинээр босгож байв. Тэр нь газрын 300 метрын гүнд дэд бүтэцтэй юм. 

Оросын арми Украины цэргийг тийш нь шахах цэвэрлэгээг эхэлсэн ба газар дээр Украины цэргийн хангамжийн замыг таслан бүслэжээ.

Украины Ерөнхийлөгч Владимир Зеленский энэ үеэр командлалын хуралдааныг явуулан Бахмутын хамгаалалтыг үргэлжлүүлэхээр шийдвэр гаргасан байна. Тэр зүүн фронтын байдлыг "маш эмзэг" гээд "Дайсны цэргийн хүчин чадлыг устгах хэрэгтэй. Үүнийг бид хийнэ. Белогоровка, Марьинка, Авдеевка, Бахмут, Угледар, Каменка болон бусад чиглэлд одоо бидний ирээдүй ямар байх ёстой нь шийдэж байна" хэмээн онцолжээ.

М.ЦОГТ