Германы канцлер Олаф Шольц өнгөрсөн долоо хоногт Латин Америк руу сэтгэл татам, мөнгөлөг нэгэн шалтгаанаар ниссэн байна. Тэр мөнгөлөг шалтгаан нь химийн элемент “лити” юм. Гэхдээ Германы канцлер Олаф Шольц тус бүс нутгийн нөөцийг ашиглах хүсэлтэй цорын ганц дэлхийн удирдагч биш.
Дэлхийн литийн гурвалжин гэгддэг Аргентин, Чили, Бразилд бидний гар утаснаас эхлээд цахилгаан машин хүртэл электрон эриний хамгийн хэрэгцээт металлын асар их нөөц бий. Литийн үнэ өсөж, дэлхийн улс орнууд уул уурхайн гэрээ байгуулахаар улайрч байгаа энэ үед Латин Америкийн удирдагчид байгалийн давуу талаа ашиглахыг эрмэлзэж байна.
Чилид ерөнхийлөгч Габриэль Борик уул уурхайн шинэ зохицуулалтыг батлахыг хүсч байгаа бөгөөд хувийн пүүсүүдтэй түншлэх төрийн өмчит литийн компани байгуулахаар төлөвлөж байна. Үүний зэрэгцээ Боливийн ерөнхийлөгч Луис Арсе өнгөрсөн сард Хятадтай дотоодын батерейны үйлдвэрлэлийн салбарыг хөгжүүлэх тэрбум долларын гэрээнд гарын үсэг зурсан байна.
Зүүний үзэлтэй ерөнхийлөгчид байгалийн баялгийг үндэсний баялаг болгохыг зорьж байгаа ч энэ нь урт удаан үйл явц байж болох юм.
Эрэлт халуун байхад тэд бэлэн мөнгө авч чадах эсэх нь асуулт юм.
Б.Бүжлхамаа
