Хятад улс өнгөрсөн сард засгийн газрын “Тэг-Ковид” хязгаарлалтыг эсэргүүцсэн жагсаалд оролцсон хүмүүсийг баривчилж, хорьж байцаажээ. Коммунист нам Бээжинг хязгаарлалтаас татгалзах шийдвэр гаргахад хүргэсэн эсэргүүцлийн жагсаалаас болж зоригжсон хэн бүхэнд сэрэмжлүүлэхээр шийдсэн бололтой.
Найзууд болох дөрвөн залуу эмэгтэй бол Бээжинд болсон эсэргүүцлийн жагсаалд оролцсоныхоо дараа баривчлагдсан анхны хүмүүсийн зарим нь юм.
"Хэргийн газар бид нийтийн хэв журмыг хүндэтгэж, цагдаа нартай ямар ч зөрчил үүсгээгүй. Тэгвэл та нар яагаад биднийг нууцаар авч явах ёстой юм бэ?" гэж 26 настай редактор Цао Жишин өөрийгөө сураггүй болсон тохиолдолд цацахаар бэлдсэн бичлэгтээ хэлжээ.
Залуу бүсгүйчүүдийн ойр дотны хүмүүс цагдаа нар тэднээс Хятадад хаагдсан мессежийн платформ болох Telegram-ийг ашигласан талаар асуусан гэж хэлжээ. Эрх баригчид феминист бүтээл уншдаг номын клуб зэрэг феминист үйл ажиллагаанд оролцож байгаа эсэхийг нь мөн лавласан байна.
Эрх баригчдын гол сэдэл нь эдгээр эмэгтэйчүүдийг дарангуйлахгүй байх явдал юм. Үүний оронд тэд нэр хүндтэй зохион байгуулагчид байгаагүй учраас тэднийг ийн шалгах нь жагсаалаас урам зориг авсан бусад хүмүүст өгөх ерөнхий анхааруулга юм.
Цагдаа нар эмэгтэйчүүдийг "хэрүүл маргаан үүсгэсэн, үймээн самуун дэгдээсэн" гэж буруутгаж байгаа бөгөөд энэ нь эрх баригчид тэднийг дуугүй болгохын тулд шүүмжлэгчдээ байнга буруутгадаг үзэгдэо юм.
Тэднийг таван жил хүртэлх хугацаагаар хорих ялаар шийтгэх гэнэ.
Б.Бүжлхамаа
