Хөхний нягт эд нь хөхний хорт хавдраар өвчлөх эрсдэлийг дөрөв дахин ихэсгэдэг. Гэсэн хэдий ч шинэ судалгаагаар цөөхөн эмэгтэйчүүд л хөхний нягтралыг чухал эрсдэлт хүчин зүйл гэж үздэг болохыг харуулж байна.

Судалгаанд 2019-2020 онд 40-76 насны 1858 эмэгтэйг хамруулсан бөгөөд энэхүү судалгаанд оролцогчид ойрын хугацаанд маммографи хийлгэсэн бөгөөд хөхний хорт хавдар тусаагүй, мөн хөхний нягтралын талаар сонссон байна.

Судалгааны үеэр эмэгтэйчүүдээс хөхний нягтрал үүсэх эрсдлийг хөхний хорт хавдрын эрсдэлт таван хүчин зүйлтэй харьцуулахыг хүсэхэд оролцогчид дараах байдлаар эрсдлийг үнэлжээ. Нэгдүгээрт, хамаатан садан нь хөхний хорт хавдартай байх; илүүдэл жинтэй эсвэл таргалалт; өдөрт нэгээс илүү согтууруулах ундаа хэрэглэх; хүүхэд огт төрүүлээгүй байх; мөн өмнө нь хөхний биопси хийлгэсэн байх зэрэг шалтгааныг дараалуулан сонгосон байна.

Дартмутын Эрүүл мэндийн бодлого, эмнэлзүйн практикийн хүрээлэнгийн судлаач, судалгааны зохиогч Лаура Бейдлер "Хөхний хорт хавдрын бусад эрсдэлтэй, магадгүй илүү сайн мэддэг хөхний хорт хавдартай харьцуулахад эмэгтэйчүүд хөхний нягтралыг эрсдэлтэй гэж үздэггүй" гэж хэлсэн байна.

Жишээлбэл, хөхний нягт эд нь оролцогчдын 1-р зэргийн эрсдэл гэж үзсэн хамаатан садан нь хөхний хорт хавдартай байхтай харьцуулахад хөхний хорт хавдар тусах эрсдэл 1.2-4 дахин их байдаг гэж зохиогчид мэдээллээ. 

Нягт хөх нь өөхний эдээс илүү булчирхайлаг, фиброз эдээс бүрддэг. Ийм шинж тэмдэг маммограмм хийлгэж буй эмэгтэйчүүдийн тал орчимд тохиолддог.

Хөхний нягтрал нь эмэгтэй хүний амьдралын туршид өөрчлөгддөг бөгөөд ихэвчлэн залуу, биеийн жин багатай, жирэмсэн эсвэл хөхүүл, эсвэл дааврын орлуулах эмчилгээ хийлгэж буй эмэгтэйчүүдэд илүү их байдаг.

Хөхний хорт хавдраар өвчлөх эрсдэл нь хөхний нягтралын хэрээр нэмэгддэг ч мэргэжилтнүүд яагаад гэдгийг тодорхой мэдэхгүй байна.

"Нэг таамаглал бол хөхний эд эсийн нягтрал ихтэй эмэгтэйчүүдэд эстроген дааврын түвшин өндөр, цусны эргэлтэнд байгаа эстроген дааврын түвшин өндөр байдаг нь хөхний нягтрал болон хөхний хорт хавдар тусах эрсдэлд хувь нэмэр оруулдаг" гэж судалгаанд оролцоогүй Дана-Фарберын хорт хавдрын хүрээлэнгийн онкологич хөхний эмч Харолд Бурштейн хэлэв. 

Б.Бүжлхамаа