АНУ-ын Ерөнхийлөгч Жо Байдены Делавэрмужийн Уилмингтон дахь гэрээс нь шинэ нууц баримтуудыг олсон тухай төрийн тэргүүний хуулийн зөвлөх Ричард Зауберын хэлснээс иш татан Reuters агентлаг мэдээлжээ.

Хуульчид өмнө нь нэгдүгээр сарын 11-нд төрийн тэргүүний хувийн гараашны өрөөнөөс дэд Ерөнхийлөгч байх үеийн (2009–2017) “нууц” гэсэн зэрэглэлтэй таван баримтыг олж илрүүлсэн байжээ.

Жо Байдены зөвлөх энэ талаар "Надад нууц мэдээлэл үзэх эрх байгаа учир би Уилмигтонд пүрэв гаригт очин баримтуудыг Хууль зүйн яаманд өгсөн юм. Лхагва гариагт олдсон баримтуудыг шилжүүлэн өгч байхдаа "нууц" гэж тэмдэглэсэн өөр таван хуулиас материал олсон"  гэж хэлснийг Reuters дамжуулжээ.

Өнөөгийн төрийн тэргүүний албан байрнаас анх эхлээд 10 нууц материалыг нэгдүгээр сарын 9-нд илрүүлсэн юм. Дараагийн өдөр нь, бараг хамгаалалтгүй байранд нууц материалууд байсныг Жо Байден өөрөө мэдээгүй гэсэн байна.

Мөн нэгдгээр сарын 12-нд Америкийн Хууль зүйн яам энэ хэргийг мөрдөх тусгай прокурорыг томилсон байна. Энэ хэрэг нь наад захдаа Байдены нэр төрийг унагах ба муугаар бодвол түүнд импичмент зарлан эрүүгийн хэрэг үүсгэж магадгүй.

М.ЦОГТ