Орос удахгүй шинэ довтолгоо эхлүүлэх байх гэсэн болгоомжлол ихсэж байна. Барууны орнууд Украинд нэмэлт цэргийн тусламж илгээхийг Их Британи уриалжээ. 

Өчигдөр Их Британи ойрын долоо хоногт Украин руу 14 танк болон бусад боловсронгуй цэргийн техник хэрэгслийг илгээх төлөвлөгөөгөө баталлаа. Энэ долоо хоногийн сүүлээр Их Британийн хоёр дээд албан тушаалтан АНУ, Канад, Герман болон НАТО-гийн бусад холбоотон орнуудад айлчилж, ОХУ-ын эсрэг хориг арга хэмжээ авах, Украинд цэргийн тусламж үзүүлэх асуудлаар илүү нягт уялдаа холбоотой ажиллах талаар ярилцана.

Тэд зөвхөн сарын өмнө ийм тусламжийг хориотой гэж үздэг байсан. Барууны орнууд Украин руу хүчтэй зэвсэг илгээх нь Оросыг ширүүн дайныг хурцатгахад хүргэнэ гэж эмээж байв. Харин нэг шинжээч Орос хэдэн зуун мянган шинэ цэрэг дайчлах гэж байгаа нь Киевт танк өгөх тухай яриа хэлэлцээг түргэсгэсэн гэжээ.

Мөн түүнчлэн Их Британи ойрын өдрүүдэд Украины цэргүүдийг сургаж эхэлнэ гэж мэдэгдэв. Сүүлийн зургаан сарын хугацаанд Украины олон мянган цэрэг Их Британид бэлтгэл сургуулилтаа хийсэн байна.

Өнгөрсөн бямба гаригт Оросын тал Днепрт орон сууцны барилга руу дайрсны улмаас амь үрэгдэгсдийн тоо 40-д хүрчээ. Дайны үеэр Украины 7000 гаруй энгийн иргэн амиа алдсаныг НҮБ нотолсон ч нийт хохирогчдын тоо үүнээс хавьгүй өндөр байгаа гэж мэдэгджээ.

Б.Бүжлхамаа