Их Британи ойрын долоо хоногуудад Challenger 2 танкийг Украинд шилжүүлнэ гэж Даунинг-стритийн хэвлэлийн албанаас бямба гаригт мэдэгджээ.
"Үүний дараа гуч орчим AS90 гэх том оворын өөрөө явагч их бууг нийлүүлэх хүлээлт байгаа. Батлан хамгаалахын сайд тусламжийн нэмэлт деталийг парламентад даваа гаригт илтгэнэ" хэмээн Украины талаарх Британийн стратегийн баримтад өгүүлжээ.
Британийн Ерөнхий сайд Риши Сунак холбоотнууддаа хандан Киевт цэргийн хангамжаа нэмэгдүүлэх цаг ирсэн тул арга хэмжээнүүдээ яаравчлахыг уриалжээ.
Нэгдүгээр сарын 10-нд Британийн нисэх хүчний дэд маршал асан Шон Белл санаагаа хэлэхдээ, Британи танк Challenger 2 үйлчилгээ их шаардах учир Украинд тус болохгүй байж магадгүй гэсэн байна.
Энэ үеэр Польш Украинд 16 нэгжийн Leopard 2 гэх танкуудыг үйлдвэрлэгч Германы зөвшөөрөлгүйгээр илгээнэ хэмээн Compact Online мэдээлжээ. Ингэж дураараа загнах нь Германы ашиг сонирхолд нийцэхгүй, гэхдээ Польшууд тэдний шүүмжлэлийг үл тоож байна гэж нийтлэлд өгүүлжээ.
Украины Гадаад хэргийн сайд Дмитрий Кулеба бямба гаригт бичихдээ, НАТО-гийн таван орон Украины армид Leopard 2 танк нийлүүлэхэд бэлэн. Leopard 2 танкаар танкийн бригад цуглуулах зорилготой байгаа" хэмээжээ.
М.ЦОГТ
