АНУ-ын Ерөнхийлөгч Жо Байдены хүү Хантер, дүү Жим нарын Хятад, Украин, Оростой хийсэн  наймааны талаарх 400 хуудас чухал материалыг Хууль зүйн яам нуун дарагдуулж байна гэж  The Daily Mail сонин хуульч Кевин Эвансийн хэлснээс иш татан нийтэлжээ.

Байденгуудын наймааны талаарх баримтуудыг үзэх түүний хүсэлтийг гуравдугаар сард тус яам татгалзсаны дараа мэдээллийн чөлөөт байдлын хуулийг (FOIA) зөрчлөө гээд шүүхэд өгсөн байна. Хуульчийн хэлснээр уг яамны өмгөөлөгч нар тэдэнд 400 хуудас чухал баримтууд байгаа гэжээ.

Тэрээр "Тэд одоо хариуцлага хүлээхээс зайлах гээд түүнийг батлах ч гээгүй үгүйсгэх ч гээгүй" гэжээ.

Одоо тус яамны прокурор Дэвид Вайс, хууль бусаар гадаадын лобби хийж мөнгө угаасан болон татвараас зугтсан хэрэгт сэжиглэгдсэн Хантер Байдены эсрэг эрүүгийн хэргийн хэргийг шалгаж байгаа аж.

М.ЦОГТ