Өчигдөр Оросууд зунаас хойш эзлэн авахыг оролдсоор байгаа Украины зүүн хэсгийн Бахмут хотын эргэн тойронд ширүүн тулалдаан хийлээ. Тулаан нь ойролцоох Соледар хотод төвлөрсөн бололтой байна.

Оросууд Соледарын ойролцоох тосгоныг эзэлсэн гэж мэдэгдсэн бол Украин Оросуудын Соледар руу дайрах оролдлогыг няцаасан гэж мэдэгдсэн байна. Гэхдээ Украины Батлан хамгаалахын дэд сайд "ширүүн тулаан" боллоо гэж тэмдэглэжээ. Украин ихэвчлэн их хэмжээний хохирол амсах эрсдэлтэй тулалдаанаас зайлсхийдэг. Гэвч Бахмутад бултах аргагүй тулаан болжээ.

Хэрэв Оросын цэргүүд Соледарыг эзлэн авбал энэ нь Оросын талаас хийж буй сүүлийн хэдэн сарын хамгийн чухал ахиц дэвшил болно. Гэвч зүүн хэсэгт байлдааны ажиллагаа удаан бөгөөд зогсолтгүй өрнөж байгаа бөгөөд гүн нэвтэрсэн Украины хүчин ойрын үед хотыг орхих шинж бараг алга.

Бахмут хот Украины эсэргүүцлийн бэлгэ тэмдэг болсон. Зарим хүмүүс цэргийн дүгнэлтийг бүдгэрүүлэх вий гэж санаа зовж байгаа ч шинжээчид Украины түрэмгий стратеги үр дүнгээ өгч, Оросыг сулруулсан гэж үзэж байна.

Б.Бүжлхамаа