35 сая хүн амтай Токио хэмээх том хотоос нүүн шилжсэн айл өрхөд аль ч бүс нутаг руу нүүсэн хамаагүй тухайн гэр бүлийн хүүхэд бүрт 1 сая иен ($7,650) төлнө.

Засгийн газраас 2027 он гэхэд 10,000 гэр бүл нүүнэ гэж найдаж байгаа ба энэ тоо нь ийм том хотод өөрчлөлт авчрахгүй ч гэлээ мэргэжлийн хүмүүс болон залуу гэр бүлүүдийн дунд нэр хүнд багатай хөдөө орон нутаг, газруудыг шинэчлэхэд тустай аж.

Энэ бол асар том хотуудаас төвлөрлийг бууруулах, шилжилтийг нөгөө чиглэлд нь хандуулахаар дэлхий даяар хүчин чармайлт гаргаж буйн хамгийн сүүлд бичигдэж буй жишээ юм.

Гэхдээ л алсын зайнаас ажиллахыг илүү хүлээн зөвшөөрдөг тахлын дараах ертөнцөд ч гэсэн схемүүд үргэлж цэцэглэн хөгжихөөс сэргийлдэг алдаа, анхааруулга байдаг.

Токио нэг хүүхдэд өгөх нүүлгэн шилжүүлэх төлбөрөө эрс нэмэгдүүлж, 300 мянгаас 1 сая иен болгон нэмэгдүүлжээ. Энэ нь The Guardian-ийн тооцоолсноор хоёр хүүхэдтэй гэр бүлд 5 сая иен (38,200 доллар) олгох боломжтой тэтгэмжийн багцын зөвхөн нэг хэсэг ажээ.

Энэхүү тэтгэмжийг авахын тулд гэр бүлүүд шинэ байрандаа дор хаяж таван жил амьдрах ёстой бөгөөд өрхийн хэн нэгэн нь орон нутагт ажиллах эсвэл орон нутагтаа бизнес эрхлэх ёстой.

Токиогийнх шиг нүүлгэн шилжүүлэлтийн схемийн архитекторууд дижитал нүүдэлчин гэгддэг хүмүүсийг буюу зөөврийн компьютерээ залгаад хаанаас ч хамаагүй ажлаа хийх боломжтой байнга хөдөлдөг ажилчдын тоог бууруулахыг хүсч байна. Тэд оронд нь ажилчдыг үндсийг нь тавьж, орон нутагт нь татан оролцуулж, ирсэн газартаа өөрчлөлт хийхэд тусалдаг урамшууллыг бий болгох зорилготой аж.

Б.Бүжлхамаа