Албан тушаалдаа орсон Бразилийн шинэ Ерөнхийлөгч Луис Инасиу Лула Да Силва галт зэвсэг эзэмших хуулийг чангатгах өолон нийгмийн халамжийг нэмэгдүүлсэн хуулиудад гарын үсэг зурлаа.
Тухайлбал, нийгмийн халамжийг $75 доллараас $115 хүртэл нэмэгдүүлсэн байна. Өмнөх Ерөнхийлөгч Жаир Болсонаругийн хэрэгжүүлж байсан шатахууны татвараас татгалзсан холбооны хуулийн хугацааг мөн сунгажээ.
Да Силвагийн Ерөнхийлөгчийн тангараг өргөсөнийг дараах анхны зарлигуудын нэг нь галт зэвсэг эзэмших журмыг чангатгасан хууль болов. Бас тэрээр хууль бусаар мод огтлохтой хийх тэмцлийг эрчимжүүлэхээр болжээ.
Мөн индианчуудын амьдрах орчинд хайгууль олборлолт хийхийг зөвшөөрсөн шийдвэрийг тэр цуцалсан байна.
Луис Инасиу Лула да Силва тангарагаа өргөсний дараа өөрийн сонгуулийн амлалтыг биелүүлж, тус оронд өлсгөлөнг устгахаар амласан байгаа.
Тэрээр "Бразили хүн бүр өдөрт гурван удаа хооллодог болгох нь миний амьдралын гол зорилго байх болно" хэмээн хэлж байсан юм.
М.ЦОГТ
