ОХУ-ын Ерөнхийлөгч Владимир Путин Оросын цэргүүдэд Үнэн алдартны шашны Зул сарын баярыг тэмдэглэх үүднээс өнөөдөр үдээс эхлэн маргааш дуустал буюу 36 цагийн турш "нэг талын гал зогсоох" тушаал өгчээ.

Украины өндөр албан тушаалтан энэ алхмыг "учирхай заль мэх", "суртал ухуулгын дохио" гэж нэн даруй үгүйсгэсэн ч Киевийн эцсийн хариу ямар байх, бараг 700 миль фронтын шугамын дагуу байлдааны ажиллагаа зогсох эсэх нь тодорхойгүй хэвээр байв.

Украин Москвагийн цэргийн ажиллагааны хязгаарлалт хийх амлалтад эргэлзэж байгаагаа илэрхийлжээ. Гуравдугаар сард ОХУ-ыг бүслэлтэд байгаа Мариуполь хотоос нүүлгэн шилжүүлэхийг зөвшөөрсөн хүмүүнлэгийн гал зогсоох хэлэлцээрийг Орос зөрчсөн гэж тэд буруутгасан. Дайныг дэмжигч зарим Оросын үндсэрхэг үзэлтнүүд ч энэ саналыг үгүйсгэж, харилцан дайсагнал их байгааг онцолжээ.

Ингэж гал зогсоох нь Орос Украиныг довтолж эхэлснээс хойшхи хамгийн өргөн хүрээний гал зогсоох хэлэлцээр байх болно.

Дипломат өнцгөөс, өөрийгөө зуучлагч хэмээн байр сууриа илэрхийлсэн Туркийн Ерөнхийлөгч Режеп Тайип Эрдоган Путинтэй ярилцаж, гал зогсоохыг уриалсны дараа Оросын талын мэдэгдэл гарсан байна.

Украины дотоодын нийт бүтээгдэхүүн сүүлийн 30 гаруй жилийн хугацаанд хамгийн их буурлаа гэж тус улсын эдийн засгийн сайд өчигдөр мэдэгдсэн. Франц Украинд зэвсэгт машин нийлүүлэх амлалт өгөөд байгаа. Харин АНУ үүнтэй адил хийж магадгүй.

Украины болон олон улсын мөрдөн байцаагчид Оросын цэргүүд бэлгийн хүчирхийлэл үйлдсэнийг нотлох баримтуудыг олсон гэдгээ мөн мэдэгджээ.

Б.Бүжлхамаа