Авлигын хэргээр шоронд хоригдож байсан ерөнхийлөгч асан Ли Мён Бак шинэ ерөнхийлөгчийн өршөөлийн хуульд өнөөдрөөс эхлэн хамрагдахаар болжээ. Өдгөө 81 настай Ли архаг өвчний улмаас эмчлүүлж байгаа бөгөөд Сөүл хотын эмнэлгээс шууд гэртээ очих аж.

Хууль зүйн яамны мэдэгдэлд, 2008-2013 онд ерөнхийлөгчөөр ажиллаж байсан Ли-д өршөөл үзүүлсэн нь "Үндэсний интеграцчлалаар нэгдсэн Өмнөд Солонгосын чадавхийг сэргээх зорилготой" гэж дурджээ.

Харин энэхүү алхам нь консерватив дэмжигчдийн дунд түгээмэл байх болно гэж шүүмжлэгчид үзэж байна. Өршөөл үзүүлсэн Ли болон Өмнөд Солонгосын одоогийн ерөнхийлөгч Юн Сук Ёол хоёулаа консерватив улс төрчид юм.

Ерөнхийлөгч асан Лигийн хувьд 2020 онд 17 жилийн хорих ял авсан аж. Түүнд өршөөл үзүүлснээр үлдсэн 15 жилийн ялыг хүчингүй болгож, нийт 8,2 тэрбум вон буюу 6,4 сая ам.долларын торгуулийн төлөөгүй хэсгийг хүчингүй болгох юм байна. Лиг буруутгаж байгаа хэрэгт голдуу Самсунгаас авлига авсан, 30 тэрбум гаруй вон буюу 23.6 сая ам.доллар шамшигдуулсан гэж буруутгаж байгаа.

Энэ удаагийн өршөөлд 2017 онд хээл хахууль авсан, эрх мэдлээ урвуулан ашигласан хэргээр огцруулсан Ерөнхийлөгч асан Пак Гын Хэгийн үед ажиллаж байсан албан тушаалтнууд багтаж байгаа ба нийт 1300 гаруй хүнд хамрагдаж байгаа аж.

Б.Бүжлхамаа