Хойд Солонгос энэ долоо хоногт дунд тусгалын хоёр баллистик пуужин харвасан нь Японд бараг л хүрэхээ шахав. Пуужингууд хоёр улсын хоорондох усанд унажээ.
Япон улс Хятад, Хойд Солонгосын өсөн нэмэгдэж буй аюул заналаас хамгаалахын тулд цэргийн зардлаа хоёр дахин нэмэгдүүлнэ гэж ам гарснаас хэдхэн хоногийн дараа ийн ойрын тусгалт пуужин хөөргөв. Ирээдүйд Солонгосын хойг, Тайваньтай холбоотой мөргөлдөөнд Япон оролцож магадгүй юм.
Шинэ төлөвлөгөөнд удаан хугацааны турш албан ёсоор энх тайвныг баримталж ирсэн Япон улс довтолгооны хариуд дайсны нутаг дэвсгэр дэх баазуудыг онилоход ашиглаж болох пуужин зэрэг сөрөг довтолгооны чадвараа нэмэгдүүлж, эзэмших аястай байна.
Хойд Солонгос 2017 онд Японы дээгүүр холын тусгалт пуужин харваж байсан бол өнгөрсөн аравдугаар сард энэ үйл явдал дахин гарсан билээ.
Өнгөрсөн долоо хоногт Хойд Солонгос шингэн түлшнээс хатуу түлш рүү шилжих хүчин чармайлтынхаа хүрээнд тив алгасагч баллистик пуужингийн хүчирхэг шинэ хөдөлгүүрийг туршсан нь пуужинг тээвэрлэхэд хялбар, хурдан хөөргөх боломжтой болгожээ.
Пуужингийн зах зээлийн хувьд Их гүрний сөргөлдөөний шинэ эрин бий болох тухай өсөн нэмэгдэж буй зөвшилцөл нь зэвсэг үйлдвэрлэгчдийг дэмжиж байна.
Б.Бүжлхамаа
