Хятад улс "Тэг ковид" хязгаарлалтаа цуцалсан билээ. Үүнээс хойш долоо хоног өнгөрч буй ч Бээжин түгжигдсэн хот шиг харагдсан хэвээр байна. Оршин суугчид өөрсдөө үүнийгээ нотлов.

Хятадад ковидын давалгаа улс даяар тархаж байгаа энэ цагт ханиад томууны эм ховор байгаа. Шуурхай шинжилгээ нь одоо хотын хамгийн халуун хэрэглээний нэг болжээ. Ажилтнуудынх нь шинжилгээний хариу эерэг гарч байгаа тул ресторанууд хаалгаа барьж байна. Хүргэлтийн ажилчид хүртэл гэртээ үлдэж байна.

Бээжин дэх рестораны эзэн Юэ Жиажун "Одоо хэн ч гарч зүрхлэхгүй байна" гэж хэлжээ. Тэрээр "Өнгөрсөн долоо хоногт үйлчлүүлэгчдийг гадаа хооллохыг зөвшөөрөх үед баяр хөөртэй байсан. Харин одоо надад үйлчлүүлэгч алга" гэжээ.

Бээжингийн дэгдэлтийн ноцтой байдлыг тодорхойлоход хэцүү байдаг. Хятад улс олон нийтийн шинжилгээний системээ татан буулгасан байна. Сошиал медиа үйлчилгээ Weibo нь халдварын тухай хувийн мэдээллээр дүүрэн байгаа бөгөөд орон нутгийн албаны хүн халуурах шалтгаанаар эмнэлэгт очих хүмүүсийн тоо 16 дахин нэмэгдсэн гэж мэдэгдэв.

Б.Бүжлхамаа