Хэдийгээр Хятад улс хилээ хэзээ нээх тухай албан ёсны мэдээлэл гараагүй байгаа ч зарим дохиогоор Хятад улс 2023 онд буюу хоёрдугаар улиралд хилээ бүрэн нээлттэй болгох их магадлалтай гэж таамаглаж байна.

Үүнээс гадна ковидтой холбоотой хэд хэдэн өөрчлөлт гарчээ. 

1. Дотоодын халдварын эсрэг арга хэмжээг багасгаж, хялбар болгож байна.  Дотоодын аялалд (2022 оны 12-р сарын 7-ноос) эрүүл мэндийн код, PCR шинжилгээний хариу шаардлагагүй болно.

2. Хилээр нэвтрэх хорио цээрийн хугацааг богино болгов. Тодруулбал, 14 хоног төвлөрсөн хорио цээрийн дэглэмээс одоогийн байдлаар 7-5 хоног хүртэл болгосон. 

3. Хил нэвтрэлтийн шаардлагыг хялбаршуулсан. Ажлын визэнд PU захидал байх шаардлага хүчингүй болж, оюутны виз болон гэр бүлээ нэгтгэх визийг дахин мэдүүлж эхлэх нь байна.

4. Нислэгийн өмнөх 7 хоногийн бие даан эрүүл мэндийн хяналт, онгоцонд суухаас өмнө олон удаа ПГУ-ын шинжилгээ хийх зэрэг шаардлагыг нисэхээс 48 цагийн өмнө нэг удаа ПГУ-ын шинжилгээ болгон хялбаршуулсан байна.

5. Дамжин өнгөрөх нислэгийг зөвшөөрдөггүй байснаа мөн өөрчилсөн. Нислэгийн таслуур механизмыг (COVID-ийн хэт олон тохиолдол бүхий нислэгийг түр хориглох) зэрэг зохицуулалтыг цуцалжээ.

6. Засгийн газар эмнэлгийн бэлтгэлээ боловсронгуй болгож, оновчтой болгож байна. Коронавируст халдварын эсрэг эмийн нөөцийг өргөжүүлэх, эмнэлгийн процедурыг оновчтой болгох, өндөр настан, хүүхдүүдийн вакцинжуулалтын түвшинг сайжруулах гэх мэт арга хэмжээ авч хэрэгжүүлж байна. 

Б.Бүжлхамаа