Герман даяар өглөө эрт хийсэн довтолгооны үеэр цагдаа, тусгай хүчний 3000 ажилтан Германы засгийн газрыг унагаж, хунтайжийг төрийн шинэ тэргүүнээр томилохоор төлөвлөж байсан дотоодын террорист байгууллагыг дэмжигч 25 сэжигтнийг баривчилжээ.
Хүнд зэвсэглэсэн бүлэглэлийн төлөвлөгөөнд Германы парламентын ордон болох Рейхстаг руу халдлага үйлдэх байсан байна. Бүлгийн гишүүд зэвсгийн сургуулилт зохион байгуулж, төлөвлөгөөгөө амжилттай хэрэгжүүлбэл сүүдрийн засгийн газар байгуулах гэж байсан гэж прокурор мэдэгдэв.
Прокурорууд нийт 52 сэжигтнийг шалгаж байгаа бөгөөд ханхүү, УИХ-ын гишүүн асан, Германы экм цэргүүд нарыг саатуулсан гэж мэдэгдэв.
Прокурорын хэлж буйгаар өнгөрсөн онд байгуулагдсан тус бүлэглэл байгуулагдах болсон шалтгаан нь "гүн муж"-ын гишүүд Германыг хянах ёстой гэж үзсэн нь байсан гэж үзжээ.
Германы тагнуулын алба тус улсад хамгийн их аюул заналхийлж байгаа нь хэт барууны, дотоодын хэт даврагч бүлгүүд гэж олон жилийн турш хэлж ирсэн. 2020 онд хэт барууны дэмжигчид, QAnon дэмжигчид болон вакцины эсрэг тэмцэгчид Рейхстаг руу дайрч орохыг оролдсон бөгөөд цагдаа нар муж улсын удирдагчдын эсрэг хэд хэдэн жижиг хуйвалдааныг шалгасан гэж мэдэгдэв.
Б.Бүжлхамаа
