Перугийн Ерөнхийлөгч Педро Кастильо түүнийг огцруулах эсэх асуудлаар санал хураахаас хэдхэн цагийн өмнө буюу лхагва гаригт Конгрессыг тарааж, онц засгийн газар байгуулснаа зарласан байв.

Гэвч бүх хүрээний улс төрийн удирдагчид Кастиллогийн үйлдлийг төрийн эргэлт хийх оролдлого гэж үзэж, Конгресс түүнийг албан тушаалаас нь огцруулахаар санал хураалт явууллаа.

Перугийн зэвсэгт хүчин болон цагдаа нар түүнийг дэмжихгүй гэсэн хамтарсан мэдэгдэл гаргасан бөгөөд түүний мэдэгдлийн дараа ил засаг захиргааны олон гишүүн огцорчээ. Тэрээр Перугийн эмзэг ардчиллыг сүүлийн жилүүдэд хамгийн том улс төрийн хямралд оруулсаар байсан юм.

Кастильо албан тушаалын өндөр түвшний дуулиан шуугиан, эрүүгийн мөрдөн байцаалт, засгийн газрын халаа сэлгээ зэрэгт нэрвэгдсэн нэгэн. Тэрээр 80 гаруй сайдыг урвуулж, өмнө нь хоёр удаа огцруулах оролдлогыг даван туулж чадсан юм.

Перугийн улс төрд авлига маш их газар авсан тул 2016 оноос хойш тус улс таван ерөнхийлөгч солиод буй. Кастилло нь тариачин, сургуулийн багш, эвлэлийн идэвхтэн байсан бөгөөд удирдах туршлагагүй. Тэрээр ядуу Перучуудыг дэмжлэгийг авч ерөнхийлөгчийн сонгуульд баруун жигүүрийн улс төрч Кейко Фүжимориг ялж байв.

Б.Бүжлхамаа