2012 онд "Ганнам стайл" интернетийг эзэгнэж байв. 

Морь унасан бүжгийн сэтгэл татам хөдөлгөөнүүдээрээ шуугиан тарьсан хит дуу нь нэг тэрбум хандалтыг давсан YouTube-ийн хандалтын рекордыг эвдэж байв. (Одоогоор энэ дууны клип 4.6 тэрбум даваад тоологдож байна) Энэ нь BTS, Blackpink зэрэг уран бүтээлчдийн үндэс суурийг тавьж, Солонгосын поп урлаг дэлхийн хэмжээнд амжилтанд хүрэх замыг нээж өгсөн юм.

Мөн энэ нь олон улсын газрын зураг дээр Сөүлийн дээд зэрэглэлийн дүүрэг болох Ганнамыг оруулсан билээ.

Харин дууны ардах 45 настай уран бүтээлч Psy-г "Ганнам стайл" дагах нь бий. Тэрээр түмэнд түгсэн энэ дуу шигээ уран бүтээл хийх гэж олон жил оролдсон боловч энэ дууны амжилтын нууцыг олж чадаагүй байна.

Сэтгүүлч "Тэр нэг дуу юугаараа онцгой байсан бэ?" гэж Psy-аас асуухад тэрээр "Би өнөөдрийг хүртэл мэдэхгүй байна" гэж хариулжээ. 

Б.Бүжлхамаа