Сара Дэвис өнгөрсөн зун гэр бүлээрээ Нью-Йоркт иржээ. Түүний 18 настай хүү нь зүгээр л Nike брэндийн дэлгүүр үзэхийг хүссэнгүй. Түүний үнэхээр харахыг хүссэн зүйл бол урт дараалалд зогсож байсан ч гэсэн Бруклин дахь Nike x Louis Vuitton брэндийн тансаг далгүүр байсан юм.

“Air Force 1” загварын 47 хос гутлыг дэлгэсэн уг үзэсгэлэн нь талийгаач загвар зохион бүтээгч Виржил Аблохын сүүлчийн төсөл байв. Аблохын өөр нэг Nike-ын хамтран бүтээсэн ижил төстэй гутал саяхан Sotheby's дээр нэг хос нь 100 мянга гаруй доллараар зарагджээ.

Милленайлсын хувьд Abercrombie & Fitch, Nike, PacSun, Gap зэрэг брэндүүд өсвөр насанд нь дажгүй брэндүүдийн гол тулгуур болж байсан бол одоо Z үеийнхний хувьд тэдний дуртай хувцас загварын тухайд Демна Гвасалиа, Глен Мартенс, Алессандро Мишель (Баленсиагаги, Y-Project болон Gucci дизайнерууд) нарыг нэрлэх нь бараг л байдаг шахуу зүйл болжээ. 

Fashionphile хэмээх тансаг хэрэглээний платформыг үүсгэн байгуулсан Дэвис "Хүүгээ болон түүний найзуудыг ямар их тансаглалд дуртайг анзаарахгүй байхын аргагүй" гэж хэлэв.

Тэрээр "Намайг өсөж торних үед тансаг хэрэглээ бол чинээлэг хүмүүсийн оролцдог зүйл байсан. Хүртээмжтэй нэвтрэх цэг цөөхөн байсан. Өсвөр насныхан тансаг дэлгүүр хэсэх нь бүү хэл сонирхдоггүй байсан. Бүр цөөхөн нь худалдаж авч чаддаг байсан" гэв.

Үе үеийнхний энэ огцом ялгаа санамсаргүй тохиолдоогүй. Тансаг зэрэглэлийн худалдан авагчдын баазыг залуу үйлчлүүлэгчдэд нээх зоримог, олон арван жилийн өөрчлөлт нь энэ салбарыг эрс тэсрүүлж, тансаг хэрэглээний бизнесийг өөрчилсөн.

Баленсиага бөмбөгний даашинз зарж эхэлсэн байж магадгүй ч гудамжны хувцасыг маш сайн өөрчилж, пүүз, даавуун уут зэргийг худалдаалж байна. Дээд зэрэглэлийн арьсан цүнхний мэргэжилтнээр ажиллаж эхэлсэн Louis Vuitton 2017 онд Supreme-тэй хамтран ажиллаж, илүү залуу хүмүүст хандсанаар салбарынхныг гайхшруулсан. Одоо цуглуулгандаа хөвөн нэхмэл цамц, үнэртэн зэргийг тогтмол оруулж байгаа.

Bain & Co. зөвлөх фирм болон Италийн тансаг зэрэглэлийн барааны холбоо Altagamma хамтран хийсэн судалгаагаар 2019 онд Хойд Америкийн тансаг зэрэглэлийн худалдан авагчдын 40 хувт, дэлхийн хэмжээнд 44 хувийг мянганыхан болон Z үеийнхэн эзэлж байна. Эдгээр үеийнхэн 2025 он гэхэд дэлхийн тансаг хэрэглээний зах зээлийн 70 орчим хувийг эзлэх төлөвтэй байна.

Хятадын тансаг зэрэглэлийн зах зээлийн залуу байдал улам хурц болсон. BCG & Tencent-ийн хамтарсан судалгаагаар 2015 онд Хятадад тансаг хэрэглээний хэрэглэгчдийн гуравны хоёр нь 35-аас доош насныхан байсан бол 2021 он гэхэд зах зээл улам залуужсан байна. Өнгөрсөн онд Хятадын тансаг хэрэглээг худалдан авагчдын тал хувь нь 1990 оноос хойш төрсөн хүмүүс байжээ.

Хэрэглэгчийн баазаа ийнхүү өргөжүүлснээр дэлхийн тансаг зэрэглэлийн салбарын орлого 2000 онд 43 тэрбум евро (44 тэрбум доллар) байсан бол 2021 онд 130 тэрбум евро (133 тэрбум доллар) болж гурав дахин өсчээ. Энэ нь LVMH-ийн дарга Бернард Арногийн хөрөнгийг өсгөж, дэлхийн хамгийн баян хүмүүсийн эхний гурван байрыг эвтэйхэн хадгалж байна. 

Мөн тансаг хэрэглээг нэмэгдүүлэх боломжтой хэвээр байна. Сүүлийн хорин жилийн хугацаанд тус салбарын залуучуудад чиглэсэн стратеги нь тансаг хэрэглээний зах зээлийг хоёр дахин нэмэгдүүлж, 365 тэрбум евро (374 тэрбум доллар) болгожээ.

Б.Бүжлхамаа