Арваад жилийн өмнө Азийн хоёр том улсын нийслэл дэлхийн хамгийн бохир тэнгэртэй газар байв.

Хятадын засгийн газар бохирдлын эсрэг дайн зарласны дараа Бээжин агаараа цэвэрлэхийн тулд 100 тэрбум долларын хүчин чармайлт гаргасан. Одоо тус хотод жил бүр 100 хоног цэлмэг тэнгэртэй байна.

Нөгөө хот нь Энэтхэгийн Дели. Делигийн олон сая тээврийн хэрэгслийн бохирдол, халаалт, хоол хийх зориулалттай ил галаас гарах утаа зэрэг нь тэнгэрийг дүүргэсээр байгаа тул Шинэ Дели хамгийн хортой агаартай тулгарсан хэвээр байна. Энэ намар манантай байсан тул албаныхан ачааны машины хөдөлгөөнийг зогсоож, сургуулиудыг хааж, алсын зайнаас ажиллахыг шаардсан.

Энэтхэг бол асар том, замбараагүй ардчилсан улс бөгөөд улс төрийн шийдэмгий байдал, олон нийтийн дарамт шахалт зэрэг шалтгаанууд нөлөөлөөд Хятадаас чүд дутуу. Энэтхэгийн улстөрчид хямралыг шийдвэрлэх арга замыг эрэлхийлэхийн оронд бие бие рүүгээ дайрах зорилгоор нөхцөлд байдлыг ашигладаг.

Бодит байдал дээр агаарын бохирдол нь бусад эрсдэлт хүчин зүйлсээс илүү олон хүний аминд хүрдэг байтал сонгогчид 2019 оны судалгаагаар ажлын байр, эрүүл мэнд, дэд бүтцээс нэлээд хоцорсон агаарын чанарыг хамгийн тулгамдсан асуудлын жагсаалтын 17-д оруулсан байна.

Б.Бүжлхамаа