Технологийн өндөр чадвартай авьяаслаг орос залуусыг бүрхэг ирээдүй хүлээж байна. 

Дайны өмнө тус улсын технологийн салбар нь Засгийн газар болон технологийн салбараас ашиг олдог сайн харилцаатай хүмүүсийн санхүүгийн дэмжлэгээс ихээхэн хамааралтай байсан. Тэгж байтал Орос Украинд довтолсны дараа АНУ, ЕХ болон бусад орнууд хагас дамжуулагч, микроэлектроник, лазер, харилцаа холбооны тоног төхөөрөмж болон бусад технологийн хэрэгцээт зүйлсийг Орос руу экспортлохоо зогсоосон.

Тэд мөн Оросын технологийн компаниуд болон судалгааны байгууллагуудыг хар жагсаалтад оруулсан байна. Мөн Барууны технологийн аваргууд Оросыг орхисон. Гэхдээ барууныхан технологийг эргүүлэн татсан нь Оросын технологийн ирээдүйн цорын ганц газар хөдлөлт биш юм.

Технологийн салбарт ажиллаж байгаа авъяаслаг орос залуусын ихэнх нь өөрсдөдөө болон гэр бүлдээ илүү сайн ирээдүйг хайж эх орноосоо дүрвэж байна. Зарим эрчүүд ирээдүйн цэргийн дайчилгаа нь тэднийг Украинд тулалдах болно гэж эмээж байгаа бөгөөд шинэ цуурхал бүр энэ түгшүүрийг улам нэмэгдүүлж байна.

Оросын хамгийн сүүлийн үеийн brain drain хийх (толгой сайтай хүмүүс гадагшаа гарах) нь ирэх арван жилийн хугацаанд эдийн засгийн, улмаар улс төрийн цочролыг авчрах болно. Энэ асуудлыг сайн мэдэж байсан Москва хүмүүсийг Орост үлдэхийг ятгахын тулд цэрэг зэвсгийн хугацааг хойшлуулах, татварын хөнгөлөлт үзүүлэх болон бусад эдийн засгийн хөшүүргийг санал болгов.

Гэхдээ эдгээр өдөөлтүүдийн аль нь ч Европ эсвэл АНУ-д хамгийн авъяаслаг хүмүүсийн орлоготой тэнцэх боломжгүй юм.

Б.Бүжлхамаа