Дэлхий дахинд болж буй үйл явдлыг тоймлон хүргэж байна. 

• Украины Запорожье атомын цахилгаан станцад дэлбэрэлт болжээ. Атомын цахилгаан станцын эргэн тойрон дахь тулааныг зогсоохыг НҮБ уриалав. Үүний зэрэгцээ Их Британийн Ерөнхий сайд Риши Сунак Киевт айлчлах үеэрээ цэргийн тусламж нэмэгдэнэ гэж амлав.

• Дэлхийн хамгийн удаан ажилласан Ерөнхийлөгч дахин сонгогдох гэж байна. Экваторын Гвинейн удирдагч Теодоро Обианг Нгуэма Мбасого 43 жилийн турш засгийн эрхэнд үлдэж байна.

• Билл Гейтс Африкийн эрүүл мэнд, хөдөө аж ахуйн хөгжлийг дэмжихэд долоон тэрбум доллар өгөхөө амласан. Энэ дүн нь тивийн салбаруудын санхүүжилтийн зөрүүний ердөө 5 хувийг л нөхдөг.

• Ким Чен Ун охиноо дэлхийд танилцуулсан. Хойд Солонгосын нууц удирдагчийг саяхан пуужин харвах үеэр тус улсын эрх баригч гэр бүлийн дөрөв дэх үеийн гишүүнтэй гар барьж буй зураг.

• 88 улс акулын сэрвээний худалдаатай тэмцэхийг дэмжсэн байна. Шинэ гэрээ нь хамгаалалтад байгаа акулын төрлүүдийн тоог нэмэгдүүлж, тус олон сая долларын салбарт цохилт өгөх болно.

• Индонезийн газар хөдлөлт. Индонезийн гол арал болох Ява аралд өчигдөр газар хөдөлсний улмаас 46 хүн нас баржээ. АНУ-ын Геологийн алба газар хөдлөлтийг Рихтерийн шаталбараар 5.6 балл гэж хэмжсэн байна. Энэ нь барилга байгууламжийг сүйтгэж, хөрсний гулгалт үүсгэж, нийслэл болон Жакартагийн бүх хэсэгт мэдрэгдэж, өндөр барилгууд найгасан байна.

• Ираны хатуу хэлмэгдүүлэлтийн хохирол. Ираны аюулгүй байдлын хүчнийхэн эсэргүүцэгчдийн эсрэг резинэн сум, металл үрэл ашигласан нь олон зуун хүний нүдийг гэмтээсэн гэж New York Times мэдээлэв. Сүүлийн хоёр сарын хугацаанд Тегераны хэлмэгдүүлэлтийн улмаас 300 гаруй хүн амь үрэгдэж, олон мянган хүн шархадсан гэж хүний эрхийн байгууллагууд анхааруулж байна. Иранд хүний эрхийн төлөө тэмцэгчдийн мэдээлснээр 58 хүүхэд нас баржээ.

Б.Бүжлхамаа