2024 оны XXXIII зуны олимпын наадам Францын нийслэл Парис хотноо болох билээ. Тэгвэл зохион байгуулагчид олимп, паралимпын наадмын бэлгэ тэмдгээр Фригийн малгайг сонгосон байна.

Монголчууд бидний төсөөлөлд Франц хүн гэвэл улаан малгайг урлагтай гэгч нь духлуулж, торгон даавуугаар донжтой гэгч нь хүзүүгээ ороосон хүн төсөөлөгдөх биз ээ. Тэгвэл дэлхий дахинаа Фригийн малгай хэмээн танигдсан франц малгайн хүүхэлдэйн дүр шүдээ яралзуулан мишээн, том цэнхэр нүднийхээ төгсгөлд Францын төрийн далбааны өнгөөр "​​кокарда" зурсан дүр ирэх олимпын бэлэг тэмдэг болох нь ээ.

Дан ганц биш хосоороо зогсох Фригес нь 2024 оны Парисын Олимп, Паралимпын наадмын сахиус байх бөгөөд Олимпын наадмыг зохион байгуулах хороод (COJOP) 11-р сарын 14-ний даваа гаригт энэ тухай мэдээлжээ. 

Нэрнээс нь харахад л тэд Францын хувьсгал ба Бүгд найрамдах улсын шилдэг бэлгэдлийг илтгэнэ. Парисын олимпын наадмын брэнд менежер Жюли Матихин "Бид Францын сүнсийг шингээсэн, улс орныхоо өнгө төрхийг харуулсан сахиус хайж байсан. Энэ бол бидний түүхийн нэг хэсэг юм" гэж тайлбарлав.

Фрижүүд нь дуудаж, бичихэд хэцүү нэр, тэр ч байтугай гадаад хүний хувьд бараг ихрүүд бөгөөд Парисын 2024 оны ихэр сахиусын алинд нь ч хүйс хамаарахгүй. Тэгвэл тэднийг яаж ялгах вэ гэвэл нэг нь хиймэл хөлтэй, улаан пүүзтэй байхад нөгөө нь хоёр цагаан өнгийн пүүзтэй. Зарим хүмүүсийн хувьд Фригес тахиа шиг харагдаж байна гэж маргаж байна. Олимпын наадмын түүхэн дэх урьд өмнө тохиолдсон үйл явдлуудыг тоймлон үзвэл Фригес нь хамгийн амжилтгүй сахиусуудтай ойрхон алхаж болох юм.

Б.Бүжлхамаа