Европын хийн хямралыг ёстой л залхуу хүн л бичээгүй байх, тэнд асуудлыг бүх талаас нь сайн мөлжиж ярисаар л байна. Европын хийн нөөц дүүрэн, түлээ мод үнэтэй байгааг хэн хүнгүй мэднэ. Гэтэл Евроазийн нөгөө хэсэгт эрчим хүчний асуудал үүнээс дутуугүй хүнд байна.
Хятад шахмал хийг Европт нийлүүлэхээс татгалзсан нь үүний эхний шинж тэмдэг боллоо. Саяхан болтол Хятад шахмал хийг Европ, Америкт амжилттайгаар худалдаж унацтай байсан юм. "Онцгой юм үгүй, зөвхөн бизнес" гэх мэтээр...
Үнэн хэрэгтээ, Хятад Европынх шиг л "ногоон эрчим хүчинд" голчлон анхаарсан асуудалтай тулгарав. Дундад улсад эрчим хүчний асуудал жилийн өмнө үүссэн ба тэр үеэр орон нутгийн зах зээлд нь нүүрсний үнэ өссөн байлаа.
Хоёр жилийн дотор, салхи, нарны эрчим хүч 50 хувиар нэмэгджээ.
2021 оны сүүлчээс нүүрсний нийлүүлэлт тасалдан цахилгааны хязгаарлалт хийж байлаа. Харин 2022 оны намар цаг уурын бас нэг сюрприз авчрав.
Энэ жилийн зун Хятадад дээд зэргийн халуун байсан. Гол мөрний ус татарсны улмаас усан цахилгаан станцын үйлдвэрлэл эрс багасав. Хятад эрчим хүчний хомсдолоо нүүрсний олборлолтоор нөхөхийг оролдов. Үүний улмаас ч Оросоос дээд зэргийн хэмжээгээр нүүрс авлаа.
Гэсэн хэдий ч тус оронд цахилгааны хязгаарлалт байгаагүй ч Шанхайн цуутай өндөр барилга байшингийн гэрэлтүүлгийг унтраан цахилгааны хэмнэлт хийж байсан юм.
Үүнд бүхнээс илүүтэйгээр Сычуань муж хэлмэгдсэн байна. Учир нь тэндхийн усан цахилгаан станцууд хүчин чадлынхаа зөвхөн 50 хувиар ажиллаж байсан юм.
Хятадын эрчим хүчний асуудал нь сэргээгдэх эрчим хүч тус орны бүх цахилгаан үйлдвэрлэлтийн 27 хувь хүрсэнтэй холбоотой. Гэтэл ийм үйлдвэрлэлийн төвшний эрс савчилтыг байгалийн хүчин зүйл гарган тэр болгон түүнийг уламжлалт түлшний үйлдвэрлэл нөхөж чадахгүй байна.
Ийм ч учраас Хятад Европт нийлүүлэх шахмал хийн импортоо түр зогсоогоод байна. Зуны хэт халуун шиг өвлийн хэт их хүйтрэл ирэх магадлал өндөр Бээжинд гэхэд л хасах 30 градусын хүйтэн болох магадлал их. Өвлийн олимпоор ямар хүйтэн байлаа даа.
Хятадын эдийн засгийн асуудал нь дэлхийн эдийн засагт ихээхэн нөлөөтэй. Нэг үгээр түүний ДНБ нь бодит салбаруудын бүтээгдэхүүн юм. Энэ жил гэхэд л европчууд ирэх өвлийн дулаан хувцасны захиалгаа 2-3 дахин нэмэгдүүлээд байна. Европ дэлхийн нэртэй брэндүүд ихтэй ч энгийн дулаан хувцас хийхээ мартсан юм.
М.ЦОГТ
