Бразилчууд зүүний үзэлтэй экс ерөнхийлөгч Луис Инасио Лула да Силваг улс орноо удирдуулахаар дахин сонголоо. Нөгөө талд Бразилийн хэт барууны үзэлтнүүдийн удирдагч Жаир Болсонаро ялагдал хүлээв.

Хэт барууны хууль тогтоогчид, консерватив шинжээчид болон Болсонарогийн олон дэмжигчид түүний өрсөлдөгчийн ялалтыг хүлээн зөвшөөрсөн боловч Болсонаро өөрөө хараахан хүлээн зөвшөөрөөгүй байна. 

Лула, сонгогдсон ерөнхийлөгчийн хувьд цаг уурын асуудлыг кампанит ажлынхаа тулгын чулуу болгож, Амазоныг хамгаалахаа амласан байна. Лула ширэнгэн ойг устгах ажлыг түргэсгэсэн Болсонарогийн үеийн бодлогыг цуцлахын тулд ажиллах байх, гэхдээ Конгрессын сөрөг хүчин түүний мөрийн хөтөлбөрийг хязгаарлаж магадгүй юм.

Болсонаро ялагдлаа хүлээн зөвшөөрөхгүй байж магадгүй гэж олон сарын турш анхааруулж байсан тул чимээгүй байх нь улам бүр санаа зовоож байна. Бразилийн сонгуулийн тогтолцоог сүйтгэх гэсэн түүний хүчин чармайлт дотоод болон гадаадад түгшүүр төрүүлжээ. Түүний бүрэн эрхийн хугацаанд Бразил улс тахал өвчнөөр хамгийн олон хүнээ алдсан. Мөн бүрэн эрх нь дуусгавар болсны дараа Болсонора ардчилалд заналхийлсэн гэх мэт хэд хэдэн хэргээр шүүхэд дуудагдаж мэдэх юм. 

Харин Лулагийн хувьд 77 настай. Тэрээр энэ зууны эхний 10 жилд Бразил улсыг тэргүүлж байсан нэгэн. Тэрээр 80 хувийн саналаар албан тушаалаа орхисон ч авлигын хэргээр ял сонсч, 580 хоног шоронд суусан байдаг. Өнгөрсөн жил Бразилийн Дээд шүүх шүүгчийг нэг талыг барьсан гэж үзсэний дараа түүний ялыг хүчингүй болгосон юм.

Б.Бүжлхамаа