Италийн парламентын сонгуульд Барууны төвийн эвсэл есдүгээр сарын 25-нд 44,5 хувийн санал авч ялсан билээ. Энэ эвсэлд Жоржа Мелонийн "Итали ахан дүүс", Маттео Сальвинийн "Лига", Маурицио Лупийн "Бид дундыг баригчид", Сильвио Берлусконийн "Урагшаа, Итали" зэргийн намууд багтдаг. Тэгвэд анх удаагаа Италийн Ерөнхий сайдаар эмэгтэй хүн томилогдоод буй. Ерөнхий сайд Жоржа Меланийг өнгөрсөн бямба гаригт тангараг өргөхийн өмнө Сильвио нэг шуугиан дэгдээв.
Владимир Путины нэр хүнд муу байх нь Европын сайн уламжлал болоод байгаа үед Сильво Берлусконийн хийсэн хэрэг Засаг авч байгаа эвслийн гишүүдийг зөрөлдүүлээд авчээ. Италийн La Presse агентлаг нэгэн аудио бичлэгийг гаргасан нь тэр шуугианыг үүсгэсэн байна. Түүнд Италийн олон удаагийн экс Ерөнхий сайд Сильвио Берлускони Путинтэй холбоогоо сэргээсэн гэж хэлээд түүнээс төрсөн өдрөөрөө "хорин шил архи, их дотно захидал хүлээн авсан" гэв. Тэр хариуд нь бас дотно захиа бичээд 20 шил "Ламбруско" явуулсан гэж гайхуулсан тухай байв.
Кремлийн хэвлэлийн төлөөлөгч үүнийг үгүйсгээгүй бас баталсангүй.
Тэр хоёр олон жил найзалсан ба энэ бичлэгт тэр Путиныг дэлхий буруу ойлгосон гээд өөрийгөө түүний таван сайн найзууд дундах нэгдүгээр хүн гэжээ.
Берлусконийн хамтран зүтгэгчид харин энэ явдлыг аль эрт болсон гэсэн юм. Гэтэл сэтгүүлчид бичлэг энэ намрынх гэж тогтоов. Ийм байдал орост талтай гэгдсэн шинэ Ерөнхий сайд Жоржа Меланийд хүндрэл учруулжээ.
"Мелони Оросын талын үзлийн барьцааны хүн" гэсэн гарчигтай материалыг La Repubblica сонинд нийтлээд энэ нь Ром, Вашингтоны харилцаанд мөн Италийн зүгээс Орост хэрхэн хандахыг анхааралтай ажиглаж байгаа ЕХ-ны хувьд ч итгэл алдахаар хэрэг боллоо гэжээ.
М.ЦОГТ
