Ши Жиньпин эрх мэдлийг булаан авсны дараа Хятадын дээд удирдагчийн төрийн томоохон хөтөлбөрт санаа зовсон хөрөнгө оруулагчид хувьцааны уналтад хүргэв.

Хонконгод хувьцааны үнэ 6 гаруй хувиар унаж, арилжаачид хувьцаагаа асар их хэмжээгээр хаясны улмаас сүүлийн 13 жилдээ хамгийн доод түвшинд хүрсэн байна.

Эх газрын Хятадад зах зээлүүд бараг 3 хувиар унасан ч Бээжин институциональ хөрөнгө оруулагчдад улс төрийн хямралтай үед борлуулалт хийхгүй байх дарамт шахалт үзүүлж байна. Мөн юанийн ам.доллартай харьцах ханш сүүлийн 14 жилийн доод түвшинд хүрч буурлаа.

Хятадын засгийн газар есдүгээр сард дуусгавар болсон гурван сарын хугацаанд эдийн засаг өмнөх оны мөн үеэс 3.9 хувиар өссөн гэж мэдэгдсэнийг харгалзан үзвэл энэ их борлуулалт онцгой анхаарал татав. Өчигдөр гаргасан мэдээлэл нь хүлээгдэж байснаас илүү хүчтэй байсан ч Бээжингийн энэ жилийн зорилтот 5.5 хувьд хүрээгүй хэвээр байна.

Ши эдийн засгийн өсөлт, ажил эрхлэлтийг удаашруулж байсан ч гэсэн улс төр, аюулгүй байдалд өндөр ач холбогдол өгч, "Тэг ковид" бодлогыг хатуу баримталсан.

Санхүүгийн зах зээл дэх хямрал нь Коммунист намын эдийн засгийн хяналтыг бэхжүүлэх Ши Жиньпиний кампанит ажлын гол бай болсон Хятадын интернет компаниудын хувьцаанд онцгой анхаарал хандуулав.

Өнгөрсөн долоо хоногт болсон Коммунист намын их хурлын үеэр Ши Жиньпин Ерөнхий сайд Ли Көцян, зүүн өмнөд Хятадын чөлөөт зах зээлийн эдийн засгийн өсөлтийн архитектор Ван Ян зэрэг олон жилийн эдийн засгийн бодлого боловсруулагчдыг шахан зайлуулжээ.

Б.Бүжлхамаа